ديماش قۇدايبەرگەن جانە مايكل دجەكسون

 ءبىراق ستاديوندى لىق تولتىرىپ، ەستەن كەتپەس شوۋ جاساعان العاشقى ءانشى -  ديماش قۇدايبەرگەن بولىپ وتىر. بۇل -  ديماشتىڭ الەمدىك ساحناعا جاساعان قادامى دەسەك، ارتىق ەمەس. اتى زاتىنا ساي. "باستاۋ" (Bastau) . العاشقى جەكە كونتسەرتىندە ديماش قۇدايبەرگەن ساحنا پاتشاسى مايكل دجەكسونعا قۇرمەت كورسەتتى.

ول مايكل دجەكسوننىڭ "Billie jean"، "Dangerous" ءانىن ايتىپ، اتاقتى اي ءجۇرىسىن بەينەلەدى. ميللياردتاردىڭ جۇرەگىن جاۋلاعان اڭىز ادام مايكل دجەكسوننىڭ ءبيىن تاعى ءبىر مارتە كورە وتىرايىق.

ديماشتىڭ ونەرى.

 مايكل دجەكسون ءوز كونتسەرتتەرىندە جانكۇيەرلەرىنە ۇستىندەگى پيدجاگىن، شلياپاسىن ءجيى لاقتىراتىن. بۇل -  الەمدىك جۇلدىزدارعا ءتان ارەكەت. ول جانكۇيەر ءۇشىن ەستەن كەتپەس ەستەلىك ءارى كەيىنگى ۇرپاققا وشپەس مۇرا. مايكل دجەكسوننىڭ پيدجاگىن قالاي لاقتىرعانىن مىنا ۆيدەودان كورىڭىز.

ديماش قۇدايبەرگەن دە وسى ادەمى ءداستۇردى ۇستانىپ، تىڭدارماندارىنا شاتتىق سىيلادى.

حالىقتان بيىك ادام جوق. كەيبىر ونەرپازدار جۇلدىزى جانعان بويدا تىڭدارمانىنان قاشىپ، جانكۇيەرلەرىنە دورەكى مىنەزىن كورسەتىپ جاتادى. ال ناعىز ساحنا ادامى ءار جانكۇيەرىن شەكسىز ءسۇيىپ، ولاردى قۇرمەتتەيدى، سىيلايدى. مايكل دجەكسون ءوز جولىندا قۇربان بولۋعا دايار ءار جانكۇيەرىن شەكسىز ءسۇيدى. ادال تىڭدارماندارى مايكلدىڭ كونسەرتتەرىندە قارۋلى كۇزەتكە باعىنباي ساحناعا شىعىپ كەتىپ جاتاتىن.

 ديماش تا جانكۇيەرلەرىنە ىستىق ىقىلاسىن ۇنەمى بىلدىرەدى. كەشەگى كونسەرتىندە الدىڭعى قاتاردا تۇرعان ادال تىڭدارماندارىنىڭ قاسىنا بارىپ، ولارعا ەرەكشە كوڭىل- كۇي سىيلادى.

ءار ءانشىنىڭ وزىندىك دارا جولى بار. تەڭدەسسىز پوپ- جۇلدىز مايكل دجەكسون -  بىرنەشە بۋىنعا رۋحاني ازىق بەرەتىن عاسىر تۇلعاسى. الەمدىك ساحنادا جاڭادان جانىپ كەلە جاتقان جاس جۇلدىز، 23 جاستاعى ديماش قۇدايبەرگەننىڭ العاشقى كونسەرتىندە مايكل دجەكسوندى كورەرمەننىڭ كوز الدىنا اكەلۋىن كوپشىلىك جاقسى ىرىمعا بالادى. دەگەنمەن ديماش "ەكىنشى مايكل دجەكسون" ەمەس، تابيعات بەرگەن سيرەك داۋىستى، بۇلبۇل ءۇندى، كەلبەتى مەن حاريزماسى كەلىسكەن ديماش قۇدايبەرگەن رەتىندە تانىلۋى ءتيىس.

Massaget.kz