قازاقستاندا جاڭا مەدياوداق قۇرىلدى
استانا. قازاقپارات - بايلانىس جانە اقپارات قىزمەتكەرلەرى كۇنىندە ەلىمىزدىڭ تانىمال مەدياباسشىلارى مەن جۋرناليستەر توبى «قازاقستان مەدياوداعى» قوعامدىق ۇيىمىن قۇرعانىن جاريالادى.
28- ماۋسىم - جۋرناليستەر وزدەرىنىڭ كاسىبي مەرەكەلەرىن اتاپ وتەتىن كۇنى وداق باسشىلارىنىڭ ءبىرىنشى جالپى جينالىسى بولىپ ءوتتى.
«قوعامدىق ۇيىمدى قۇرۋ كاسىبي جۋرناليستەر مەن جۋرناليستيكا سالاسىن نىعايتۋعا باعىتتالعان اقپاراتتىق كەڭىستىكتىڭ قاتىسۋشىلارىن كاسىبي قوعامداستىققا شوعىرلاندىرۋ قاجەتتىلىگىنەن تۋىندادى»، - دەلىنگەن ۇيىمنىڭ حابارلاماسىندا.
«قازاقپارات» ح ا ا باس ديرەكتورى اسقار ۋماروۆ، ارمانجان بايتاسوۆ، ەرلان بەكحوجين، ەرلان قارين، شامشيدين پاتەيەۆ، نۇرتورە ءجۇسىپ، نۇرجان مۇحامەدجانوۆا، باتىر قازىبايەۆ، دانا ورمانبايەۆا، ايدار جۇمابايەۆ، ۆيكتور كيانيتسا، ميحايل دوروفەيەۆ، ارمان شورايەۆ جانە بەيبىت الىبەكوۆ وداقتىڭ قۇرىلتايشىلارى بولدى.
2017-جىلدىڭ قاڭتار ايىندا «قازاقستان مەدياوداعىنىڭ» ءبىرىنشى سەزى وتكىزىلىپ، وندا باسقارما مۇشەلەرى سايلانادى جانە وداق قىزمەتىنىڭ نەگىزگى باعىتى تالقىلاناتىن بولادى.
