الماتىداعى ۇلكەن اينالما جولدىڭ ناقتى باعاسى قانداي

استانا. قازاقپارات - ق ر ينۆەستيتسيالار جانە دامۋ مينيسترلىگى الماتىداعى ۇلكەن اينالما جولىنىڭ قۇرىلىسىنا جۇمسالاتىن قارجى كولەمىنىڭ وزگەرگەنىن مالىمدەدى، دەپ حابارلايدى قازاقپارات ءتىلشىسى.

 اۆتوموبيل جولدارى كوميتەتىنىڭ ءتوراعاسى مەرەكە پىشەمبايەۆتىڭ ايتۋىنشا، قازىرگى كەزدە مينيسترلىك اتالعان قۇرىلىسپەن اينالىساتىن ينۆەستورمەن كەلىسسوزدەر جۇرگىزىپ جاتىر.

«ءبارى ويداعىداي بولسا، 2018 -جىلى قۇرىلىس جۇمىستارى باستالادى. ەگەر ءبىز كەلىسەتىن بولساق، وندا جىلدىڭ اياعىندا كەلىسىمشارتقا قول قويىلادى. العاشقى جوبانىڭ قۇنى 44 ميلليارد بولعان. الايدا ول ءۇش جىل بۇرىن جاسالعان ەدى. قازىرگى كەزدە ءبىز ونى جاڭارتتىق. ءسويتىپ، قۇرىلىستىڭ جالپى سومماسى 150 ميلليارد تەڭگەگە شىعىپ وتىر. كونكۋرس بويىنشا ءبىر كۇردەلى جوندەۋ جانە ەكى ورتاشا جوندەۋ قاراستىرىلعان»، - دەدى پىشەمبايەۆ بۇگىن استانادا وتكەن باسپا ءسوز ءماسليحاتىندا.

ونىڭ سوزىنە قاراعاندا، جوبانىڭ قۇنى وزگەرۋى ابدەن مۇمكىن. ايتا كەتكەن ءجون، اعىمداعى جىلى اقپان ايىندا الماتى قالاسىنىڭ اكىمى باۋىرجان بايبەك الماتىداعى ۇلكەن اينالما جولىنىڭ قۇرىلىسىنا شامامەن 350 ميلليارد تەڭگە كەتەدى دەپ مالىمدەگەن.

«اتالعان جولدىڭ ارقاسىندا الماتى قالاسىن باتىس قىتاي مەن ەۋروپا اراسىنداعى لوگيستيكالىق حاب رەتىندە دامىتۋعا بولادى. وسى جوباعا شامامەن 350 ميلليارد تەڭگە كەتەدى. سول جەردە مىڭداعان جۇمىس ورىندارىن قۇرىپ، الماتىلىق كومپانيالاردى كەڭىنەن تارتۋعا بولادى»، - دەدى بايبەك حالىق الدىنداعى ەسەپ بەرۋ كەزدەسۋىندە.

اۆتور: ارمان اسقاروۆ