جىگىت پەن قىزدىڭ تالعامى بىردەي بولۋى ماڭىزدى ما؟

قاي نارسەلەردە تالعام ۇقساس بولۋى ماڭىزدىراق؟

مۋزىكالىق تالعام

ۇزاق جولعا شىققاندا نە باسقا كەزدەردە سۇيىكتى اۋەنىڭدى سۇيىكتى ادامىڭمەن بىرگە تىڭداعانعا نە جەتسىن! ال ەگەر ءسىز روكتى ءسۇيىپ تىڭداپ، ول مۇنداي اۋەننەن باسى اۋىراتىن بولسا، ءتۇسىنىسۋ وڭاي ەمەس. ال ونىڭ تىڭداعانىن ءسىز دە تىڭداپ كورىپ، قۇلاعىڭىزدى ۇيرەتۋگە تىرىسساڭىز، سۇيىكتىڭىز مۇنى باعالايدى. تىم قۇرىعاندا «قالاي تىڭدايسىڭ»، «وسىنداي دا ءان بولا ما» دەگەن ءتارىزدى سوزدەردى ايتپاي، بەيتاراپ كۇي تانىتىپ، قابىلداي بىلسەڭىز، سەزىمگە سەلكەۋ تۇسپەۋىنە سول دا جەتىپ جاتىر.

تاماق تاڭداۋ

ءدامدى تاماق جەۋدى بارلىعى دا ۇناتادى. دەگەنمەن بىرەۋگە فاست- فۋد، بىرەۋگە ۇلتتىق تاعامدار ۇنايتىن بولسا شە؟ ولاي بولسا، مۇلدە بەيتاراپ تۇردە يتاليالىق اسحانا دەگەن سەكىلدى جەر تاڭداۋعا بولادى. سول جەردەن ءوز كوڭىلدەرىڭىزگە قونىمدى تاعام تۇرلەرىن تاڭداي الاسىزدار.

سپورت پەن سالاۋاتتى ءومىر سالتى

ەكەۋىڭىز دە سپورتتى ءسۇيىپ، دۇرىس ءومىر ءسۇرۋ سالتىن ۇستاناتىن بولساڭىز قۇبا- قۇپ، ونىڭ ۇستىنە دەنساۋلىقتارىڭىزعا دا جاقسى اسەر ەتەدى. ال ءبىرى فۋتبول دەسە ىشكەن اسىن جەرگە قويىپ، ەكىنشىسى مۇنى جاي عانا دوپتىڭ سوڭىنان جۇگىرۋشىلەر دەپ تۇسىنەتىن بولسا، جاي عانا سۇيىكتىسىنىڭ كوڭىلى ءۇشىن ستاديونعا بىرگە بارىپ، جانىندا جانكۇيەر بولعانى ءجون. ونىڭ وزىنە شىداي الماي، ءوزىن ول جەردە ارتىق سەزىنەتىن بولسا، فۋتبول كورۋگە، ويناۋعا بارعانىن قولدامايتىن شىراي تانىتپاسا بولعانى.

دوستار

سۇيىكتىڭىزبەن بىرگە ارالاساتىن ورتاڭىز بار بولار. ەگەر ودان بولەك ءسىزدىڭ ءوز ورتاڭىز، ونىڭ ءوز ورتاسى بولسا، قام جەمەڭىز. باستىسى بىرگە جۇرەتىن جاعداي تۋىپ قالسا، تۇسىنىگى ءبىر جەردەن شىعىپ، ءتىل تابىسا السا جاراپ جاتىر.

Massaget.kz