11:29, 28 - ماۋسىم 2017 | GMT +5
اقتاۋدا تۇرمىسقا شىعۋدى قاتتى قالايتىن بويجەتكەن جۇرتتى وزىنە قاراتتى - فوتو
استانا. قازاقپارات - اقتاۋ كوشەسىندە «تۇرمىسقا شىققىم كەلەدى» دەگەن جازبا بار تاقتايشانى كەۋدەسىنە ءىلىپ العان بويجەتكەن جۇرتتى وزىنە قاراتتى.
بۇل تۋرالى inaktau.kz سايتى حابارلايدى.
وقىس جاعداي 24- ماۋسىم كۇنى بولعان. وقيعا كۋاگەرى «تۇرمىسقا شىعۋدى قاتتى قالايتىن» ارۋدى فوتوعا ءتۇسىرىپ الىپتى. ءبىر قىزىعى، قالادا وسىنداي جازبامەن تاعى ءتورت قىز بايقالعان ەكەن.
بەلگىلى بولعانداي، ارۋلار بۇل جازبانى تانىمال ازاماتتىڭ ترەنينگى بارىسىندا ۇستىنە جاپسىرعان. ولار ترەنينگتەن كەيىن سول كۇيى جازبامەن قالا ارالاۋدى ۇيعارىپتى.
قىزدار ەر ادام مەن ايەل اراسىنداعى قارىم-قاتىناستى رەتتەۋگە باعىتتالعان ترەنينگكە قاتىسقان.
