بۇگىن - ءتورتىنشى بيلىكتىڭ ءتول مەرەكەسى

بارشا تىلشىلەر قاۋىمىن بۇگىنگى مەرەكەسىمەن شىن جۇرەكتەن قۇتتىقتايمىز. جۋرناليست دەگەن كىم، ول نەمەن اينالىسادى؟ جۋرناليست -  قوعامداعى بيلىك پەن حالىقتى، حالىق پەن حالىقتى تابىستىرۋشى، جالعاستىرۋشى، ولاردىڭ اراسىندا اقپاراتتىق كەڭىستىكتى بىرىكتىرۋشى مامان.

جۋرناليست ۇنەمى ىزدەنىس ۇستىندە بولاتىن، ءتۇرلى قاۋىپتى جاعدايلارعا بارا وتىرىپ، حالىققا ءاربىر دۇنيەنىڭ اقيقاتىن كورسەتۋشى ادام.

ولار ءتۇرلى مەرەكەلىك شارالاردىڭ، جاڭالىقتاردىڭ، توتەنشە جاعدايلار مەن قۋانىشتاردىڭ ورتاسىندا بولادى. قوعامداعى ءاربىر جەكە تۇلعامەن بايلانىسقا تۇسە الاتىن، كوپ زەرتتەۋ مەن تالداۋدى نەگىز ەتۋشى بىلىكتى ماماندار.

بۇگىندە ولاردىڭ ءتورتىنشى بيلىك وكىلدەرى دەپ تە اتايدى.

جۋرناليست بولۋدىڭ ارتىقشىلىعى مەن كەمشىلىگى

ارتىقشىلىعى:

وتە قىزىق ءارى شىعارماشىلىققا باستايتىن سالا. ءتۇرلى تۇلعالارمەن تىكەلەي اقپاراتتىق قارىم-قاتىناسقا ءتۇسىپ، قىزىق دەرەك جيناۋشىلار. الەمدى كەزۋشىلەر. ومىرگە ەكى جاقتى قاراي الاتىن ماماندار. ءاردايىم نازاردا بولاتىن ادامدار. ەڭ كەرەمەتى وسى سالادا ءجۇرىپ جۇلدىز بولىپ كەتۋگە بولادى.

كەمشىلىگى:

تۇراقتى ءارى بەلگىلى ءبىر ۋاقىتقا جۇمىس جاسامايدى. قاۋىپتى جاعدايلارعا تاپ بولۋى مۇمكىن. ءتىپتى ءجيى. كۇيزەلىسكە اكەلەتىن ەڭ اۋىر ماماندىق.

جۋرناليستەر قانشا تابادى؟

بۇل نەگىزىنەن ولاردىڭ ۇزاق جىل نەمەسە قارقىندى جۇمىس ىستەۋ ناتيجەلەرىنە بايلانىستى. جالپى الەمدە جۋرناليستيكانى باستاۋشى توپ 300-400 دوللار كولەمىندە ايلىق الادى. ال بىلىكتى دەگەندەرى 1000 دوللاردان جوعارى كەتە بەرەدى. حالىق پەن بيلىك اراسىنداعى التىن كوپىر اتانعان جۋرناليستەردىڭ جۇمىستارىنا تابىس تىلەيمىز!

Massaget.kz