استانادا قىتاي ازاماتشاسىنىڭ باعالى اشەكەيىن قايتارىپ بەرگەن پوليتسيا قىزمەتكەرى ماراپاتتالدى
استانا. قازاقپارات - استانا قالالىق ءى ءى د- ءىنىڭ باسشىسى، پوليتسيا گەنەرال- مايورى امانتاي اۋباكىروۆ ەكسپو اۋماعىندا جەكە قۇرام الدىندا «سارى ارقا» اۋدانى ءى ءى ب- ءنىڭ ەسىرتكى بيزنەسىمەن كۇرەس جونىندەگى توپتىڭ جەدەل ۋاكىلى، پوليتسيا كاپيتانى راميز سافيۋللايەۆكە باعالى سىيلىق - اتاۋلى ساعاتتى تابىستادى،
دەپ حابارلايدى قالانىڭ ىشكى ىستەر دەپارتامەنتىنىڭ باسپا ءسوز قىزمەتى.
بۇعان دەيىن حابارلانعانداي، ويىن- ساۋىق ورتالىعى ايماعىندا مىندەتىن اتقارىپ جۇرگەن راميز سافيۋللايەۆ اسا قوماقتى سومانىڭ چەگى بار باعالى زەرگەرلىك بۇيىم مەن ونىڭ سەرتيفيكاتىن تاۋىپ العان. باعالى اشەكەيلەر يەسىنە، ق ح ر ازاماتشاسىنا قايتارىلدى، تۋريست ءوز تاراپىنان پوليتسيا قىزمەتكەرىنە العىس ءبىلدىردى. بۇدان وزگە، ەلوردالىق پوليتسيا قىزمەتكەرلەرىنىڭ قۇجاتتارى مەن 5 ميلليون تەڭگە كولەمىندەگى اقشاسى بار ءاميان تاۋىپ الىپ، يەسىنە قايتارعانى ءۇشىن پاۆلودار قالاسىنىڭ تۇرعىنى حاميت حايرۋللين دە ءتارتىپ ساقشىلارىنىڭ جەدەلدىلىگى مەن ادالدىعىنا بايلانىستى العىس ايتتى.
