جىگىتتەرگە قويۋعا بولمايتىن سۇراقتار

  جىگىتتەر ىڭىلداپ مازاسىن الاتىن قىزداردان تەز جالىعادى. ەسىڭىزدە بولسىن، نەعۇرلىم از سۇراق قويساڭىز، سوعۇرلىم كوپ جاۋاپ الاسىز. ءوزىڭىزدىڭ ورنىڭىزعا وعان سويلەۋگە مۇمكىنىدىك بەرىڭىز. جىگىتكە مىناداي ساۋالدار قويماڭىز. مەنى سۇيەسىڭ بە؟ قالاي سۇيەسىڭ؟ جىگىتتەر ءوزىنىڭ ىشكى سەزىمىن سىرتقا شىعارىپ، ايتۋدى ۇناتا بەرمەيدى. اسىرەسە ءجيى ايتۋ ونى مەزى ەتەدى. بۇلاي سۇراساڭىز، جوق دەگەن جاۋاپ المايتىنىڭىز ايدان انىق، الدا- جالدا ايتا قالسا، جاعدايدىڭ ۋشىعاتىنىن جاقسى بىلەدى. سوندىقتان بۇل تىم ورىنسىز سۇراق. سۇيەتىنىن ءجيى ايتۋىن قالاساڭىز، ءوزىڭىز جاعداي جاساڭىز. كىشىگىرىم توسىن سىيلار جاساپ قۋانتىڭىز، سوندا ەرىكسىز سەزىمىن سىرتقا شىعارادى.

مەنى نە ءۇشىن سۇيەسىڭ؟ ءوزىڭىزدى جىگىتتىڭ ورنىنا قويىپ كورىڭىزشى. بۇل سۇراققا قالاي جاۋاپ بەرەر ەدىڭىز؟ ازاماتىڭىزدى سۇيۋگە ناقتى ءبىر سەبەپ بار ما ەدى؟ ونى بەلگىلى جاعدايعا، الەۋمەتتىك ستاتۋسىنا، ماتەريالدىق جاعدايىنا، سىمباتتى كەلبەتىنە بولا جاقسى كورەتىن بولساڭىز، مويىنداپ، اشىپ ايتا الار ما ەدىڭىز؟ مىنە، وسىلاي جىگىت تە ءسىزدى اياعىڭىز ۇزىن بولعانى ءۇشىن جاقسى كورەم نە ءتۇرىڭىز ادەمى بولعانى ءۇشىن جاقسى كورەمىن دەپ بار شىنىن جايىپ سالمايدى. ول ءسىزدىڭ سىرتقى كەلبەتىڭىزدى، مىنەزىڭىزدى، بارلىعىن جاقسى جاعىنان قابىلداۋعا تىرىسادى. وسىنىڭ ءبارىن ويلانىپ، «بارلىعى ءۇشىن جاقسى كورەمىن» دەپ ايتادى، جاۋابى بەلگىلى سۇراققا بولا ونى مەزى ەتۋگە بولا ما؟ مەنىڭ جانىمدا ءوزىڭدى جاقسى سەزىنەسىڭ بە؟ ءوزىن جاقسى سەزىنبەسە ول قازىر ءسىزدىڭ جانىڭىزدا جۇرمەس تە ەدى. جاي عانا ودان ماقتاۋ ەستىگىڭىز كەلگەنى ءۇشىن بار قىزىقتى بۇل سۇراقپەن قۇرتۋدىڭ قاجەتى قانشا؟

قايداسىڭ؟ ءدال وسى سۇراق ەڭ بايسالدى جىگىتتىڭ ءوزىن سابىرلىلىق رەلسىنەن شىعارىپ جىبەرەدى. ولار بۇل ءسوزدى بىردەن تەرگەۋ، باسقان ءىزىن قاداعالاۋ دەپ قابىلدايدى. سوندىقتان مۇنداي ساۋالعا وڭدى جاۋاپ الا الامىن دەپ ويلاماڭىز. ءتىپتى ەر ادام ەشتەڭە جاسىرمايدى دەگەن كۇننىڭ وزىندە ءدال جۇرگەن جەرىن باسىپ ايتپايدى. بۇل ەركەكتىك ۇستانىمعا قايشى ارەكەت.

 مەنەن ەشتەڭە بايقاپ تۇرعان جوقسىڭ با؟ شاش ۇلگىسىن وزگەرتسەك، جاڭا مانيكيۋر جاساتساق، دالابىمىزدى جاڭارتساق، جىگىتىمىزگە وسى سۇراقتى قالايدا قويعىمىز كەپ تۇرادى. بۇل ءبىز ءۇشىن بەت- الپەتىمىزگە ۇلى وزگەرىس اكەلگەندەي اسەرگە بولەيدى. ال ەر ادامنىڭ كوزىندە ونداي بەينە ەلەس بەرمەيدى. ەگەر شىنىندا دا ايتارلىقتاي وزگەرىس ەنگەن بولسا، سۇراتپاي- اق ماقتاۋ جاۋعىزادى.

 بۇل ماعان جاراسىپ تۇر ما؟ ۇستىڭىزدەگى كيىم وزىڭىزگە ۇناعاندىقتان ساتىپ الدىڭىز. ءبىراق جىگىت قانداي جاۋاپ بەرۋ كەرەك ەكەنىن بىلمەي دال بولۋى مۇمكىن. جاي عانا ول وزىڭىزگە ۇناعانىن، جىگىتتىڭ ويىن بىلگىڭىز كەلگەنىن ايتۋىڭىزعا بولادى. سوندا ولار ويلانىپ، شىن ويىن ايتادى. ال كەي جىگىتتەر بىردەن ماسەلەنىڭ الدىن الىپ كورگەننەن كومپليمەنت ايتۋى مۇمكىن. وسى جاعدايلاردى ەسكەرىپ، ءوزىڭىزدى ءدال وسى كۇيىڭىزدە جاقسى كورىپ، ونىڭ دا بار قالپىڭىزبەن قابىلداۋىنا جاعداي جاساپ، ماحابباتتاعى ۇيلەسىمدى ساقتاي ءبىلىڭىز.

Massaget.kz