گەننادي گولوۆكين تۋرالى فيلم جاريالاندى
فيلمنىڭ رەجيسسەرى - وسكار دە لا حويا. ول - مەكسيكالىق بوكسشى ساۋل الۆارەستىڭ پروموۋتەرى. وعان گولوۆكيننىڭ پروموۋتەرى توم لەففلەر دە كومەكتەستى. سەناري بويىنشا كادردان تىس داۋىس ءبىرىنشى جاقتان سويلەيدى. «مەن - بوكسپىن!» دەپ باستايدى قوڭىر داۋىس. سودان باستاپ ول ءوزىنىڭ «التىن ءداۋىرىن» ەسكە الادى. فيلمدە تۇسكەن پروموۋتەر دون چاردجين دە كاسىبي بوكستاعى ۇلى تۇلعالار جايىندا باياندايدى. وسىدان كەيىن رەپەر Ice Cube بوكستان كۇش- قۋات پەن جىلدامدىقتى تالاپ ەتەدى، بوكستىڭ ءوزى دە سول قاسيەتتەردىڭ قايتىپ كەلگەنىن تىلەيدى. ءسويتىپ، رەجيسسەر 16 - قىركۇيەك كۇنى گولوۆكين مەن الۆارەس اراسىنداعى جەكپە- جەكتە بۇرىنعى ناعىز بوكستىڭ قايتا وياناتىنىن كەلتىرەدى.
ايتا كەتەيىك، اتالعان فيلم گولوۆكين مەن الۆارەستىڭ لوندون، نيۋ- يورك مەن لوس- اندجەلەس قالالارىندا وتكەن پرەسس- تۋرى بارىسىندا كورسەتىلدى. بۇعان دەيىن GGG ءوز پاراقشاسىندا پرەسس- تۋردىڭ ۆيدەوسىن جاريالاعان بولاتىن. بۇدان بولەك، گولوۆكين مەكسيكانىڭ وزىندە جانكۇيەرلەرىنىڭ از ەمەس ەكەنىن كورسەتتى.
اۆتور: ارمان اسقاروۆ
