شاشتان كوزىلدىرىك جاساعان قىز جۇلدىزعا اينالدى
استانا. قازاقپارات - كوت- د'يۆۋارالىق 21 جاسار لەتيتسيا كيۋ قيالىنىڭ ۇشقىرلىعىمەن تانىمال بولدى.
ءتىپتى ءوز شاشىنان كوزىلدىرىك تە جاساعان. ونىڭ Instagram-داعى پاراقشاسىنا 15 مىڭنان استام ادام تىركەلگەن جانە ولاردىڭ قاتارى كۇننەن-كۇنگە ارتىپ كەلەدى.
لەتيتسيا ءوزىنىڭ شاشتارى مەن ءتۇرلى قۇرالدار - ماتا، ءجۇن، گۇل جانە سىمداردى پايدالانا وتىرىپ ەرەكشە شاش ۇلگىلەرىن جاسايدى.
ونىڭ ايتۋىنشا شاش ۇلگىلەرىن جاساۋعا بىرنەشە مينۋتتاردان التى ساعاتقا دەيىن ۋاقىت كەتۋى مۇمكىن.
«مەن وسىنشا ادامنىڭ مەنىڭ شىعارماشىلىعىمنان اسەر الاتىنىنا قۋانىشتىمىن. بۇل مەنى شابىتتاندىرادى جانە الداعى ۋاقىتتا دا ولاردىڭ كوڭىلدەرىنەن شىعۋعا تىرىسامىن»، - دەيدى لەتيتسيا.
