يزرايل سيريا اسكەرىنە قارسى سوققى جاسادى
استانا. قازاقپارات - يزرايل اۆياتسياسى گولان شىڭىنىڭ ەۆرەي مەملەكەتىنىڭ باقىلاۋىنداعى بولىگىنە جاسالعان ونداعان سناريادقا جاۋاپ رەتىندە سيريانىڭ ۇكىمەتتىك اسكەرىنە قارسى سوققى جاسادى، دەپ حابارلايدى قازاقپارات ر ي ا اگەنتتىگىنە سىلتەمە جاساپ.
كورشى مەملەكەت اۋماعىنان جاسالعان سوققىلاردى اسكەريلەر وق-دارىلەردىڭ كەزدەيسوق ۇشىرىلۋى دەپ تانىدى، الايدا، ونى «يزرايل ەگەمەندىگىن جول بەرىلمەۋى ءتيىس بۇزۋشىلىق» دەپ اتادى.
مالىمدەمەدە اتاپ وتىلگەندەي، سناريادتار كۋنەيترا ايماعىندا ءجۇرىپ جاتقان ۇكىمەتتىك اسكەردىڭ سيريالىق وپپوزيتسيامەن قاقتىعىسى كەزىندە «شەكارا» سىزىعىنان اسىپ تۇسكەن.
يزرايل تاراپىنان زارداپ شەككەندەر جوق. اۆياسوققىلاردىڭ قۇربانى سيريالىق ەكى اسكەري قىزمەتشى بولدى.
سوڭعى جىلدارى ءيزرايلدىڭ اسكەري-اۋە كۇشتەرى سيريانىڭ ۇكىمەتتىك ارمياسىنا قارسى بىرنەشە سوققى جاساعان بولاتىن. ول سوققىلار ءار كەزدە يزرايل اۋماعىنا تۇسكەن بومبالارعا جاۋاپ رەتىندە جاسالىپ وتىردى.
مۇنداي سوڭعى وقيعاعا ۇستىمىزدەگى جىلدىڭ ساۋىرىندە بولدى. سيريا مەن يزاريل اراسىنداعى شەكارانىڭ ۇزىندىعى 80 شاقىرىمعا جۋىقتى قۇرايدى. ەكى ەل اراسىندا وسى كۇنگە دەيىن ديپلوماتيالىق قارىم-قاتىناس قالىپتاسپاعان.
