يتاليادا اپتاپ ىستىقتان قاۋىپتىلىكتىڭ ەڭ جوعارى دەڭگەيى ەنگىزىلدى
استانا. قازاقپارات - يتاليانىڭ بولتسانو قالاسىندا اپتاپ ىستىق پەن قۇرعاقشىلىق سالدارىنان قاۋىپتىلىكتىڭ ءۇشىنشى (ماكسيمالدى) دەڭگەيى، تاعى 13 وبلىستا ەكىنشى دەڭگەيى جاريالاندى.
بۇل تۋرالى سەنبى كۇنى ەلدىڭ دەنساۋلىق ساقتاۋ مينيسترلىگىنىڭ سايتىندا ءمالىم ەتىلدى، دەپ حابارلايدى لەنتا. رۋ.
«جىلۋ تولقىنى. جوعارى قاۋىپتىلىك ءۇش نەمەسە ودان دا كوپ كۇن قاتارىنان ساقتالادى»، - دەپ ءتۇسىندىردى بولتسانو جونىندە دەنساۋلىق ساقتاۋ مينيسترلىگى. دەمالىس كۇندەرى سونداي-اق بولونيا، برەشيا، پەرۋدجا، ميلان، ۆەرونا، ۆەنەتسيا، لاتينا، تۋرين، انكونا، كاپموباسسو، فلورەنسيا، فروزينونە جانە پەسكارادا تەمپەراتۋرا جوعارىلايتىنى كۇتىلۋدە.
ilmeteo.it مەتەوپورتالىنىڭ دەرەگى بويىنشا، تەرمومەتر باعانى 40 گرادۋستان اساتىن بولادى.
اپتاپ ىستىق ەڭ الدىمەن، قارت ادامداردى، بالالار مەن سوزىلمالى اۋرۋعا شالدىققاندارعا كەرى اسەر ەتپەك.
ماماندار يتاليالىقتارعا سۋدى ۇنەمدەۋدى ەسكەرتۋدە، ال بيلىك قاتتى ىستىق جاعدايىندا قالاي ارەكەت ەتۋ كەرەكتىگى تۋرالى بيۋللەتەندەر تاراتۋدا.
