استانادا يەسىز يتتەرگە ارنالعان العاشقى ورتالىق سالىنۋدا
استانا. قازاقپارات - جوبا مەملەكەتتىك- جەكە مەنشىك سەرىكتەستىك اياسىندا جۇزەگە اسىرىلادى، - دەدى «استانا ۆەتسەرۆيس» ديرەكتورىنىڭ مىندەتىن اتقارۋشى ايدارحان ارىستانوۆ. بۇل تۋرالى اكىمدىكتىڭ باسپا ءسوز قىزمەتى حابارلايدى.
ورتالىققا قاجەت جەر ارنايى حالىققا قىزمەت كورسەتۋ ورتالىعى اۋدانىندا ءبولىندى. جاڭا ورتالىقتا ۇنەمى ءتورت جۇزگە جۋىق يت پەن جۇزگە جۋىق مىسىق ۇستالاتىن بولادى. ورتالىق اۋماعىندا ءيت پەن مىسىقتاردى جاتتىقتىرۋعا ارنالىپ جابدىقتالعان اۋلا بولاتىنىن ايتادى «استانا ۆەتسەرۆيس» وكىلى.
جانۋارلار ءۇيى جارتىلاي مەملەكەت ەسەبىنەن قارجىلاندىرىلادى. سونداي-اق، حالىققا قىزمەت كورسەتۋ ارقىلى ءوزىن-ءوزى قامتاماسىز ەتەدى. - وندا بايلانىس جانۋارلار باعى، ۇيرەتۋ الاڭدارى، كارانتيندى بولىك جانە جانۋارلاردى ستەريلدەۋ بلوگى بولادى. بۇل يەسىز جانۋارلاردىڭ كوبەيمەۋى ءۇشىن ستەريلدەۋ جۇرگىزىلەدى، - دەيدى ا. ارىستانوۆ.
جانۋارلارعا پانا بولاتىن ورتالىقتى سالۋ يدەياسىن استانا قالاسىنىڭ اكىمى اسەت يسەكەشەۆ ۇسىنعان بولاتىن.
