ايگەرىم بولات قىزى تاريحي وتانىنىڭ دامۋىنا قوسقان پەرزەنتتىك ۇلەسىن اتادى

«ءسىزدىڭ ءۇشىنشى قۇرىلتايدا ايتقان «شەتەلدەگى ءاربىر قازاق وتانىما نە بەرەمىن»، دەپ ويلاناتىن كەز كەلدى دەگەن سوزىڭىزدەن كەيىن ءبىلىمىمدى اتاجۇرتىم قازاقستانعا جۇمساۋعا شەشتىم. سودان بەرى بار كۇش- جىگەرىمدى قازاق ەلىنىڭ دامۋىنا جۇمساۋعا تىرىسىپ كەلەمىن. سينگاپۋردىڭ ءبىرىنشى پرەمەر- ءمينيسترى بولعان لي كۋان يۋ ءسىزدىڭ سىيلاس دوسىڭىز بولعانىن بىلەمىن. مەن 7 جىل سينگاپۋر مەملەكەتتىك ۋنيۆەرسيتەتىنىڭ لي كۋان يۋ اتىنداعى مەملەكەتتىك ساياسات مەكتەبىندە قىزمەت ىستەدىم. سول ۋاقىتتا قازاقستان مەن سينگاپۋر اراسىندا ءبىلىم سالاسى بويىنشا بىرنەشە كەلىسىم جاساسۋعا تىكەلەي قاتىستىم. سونىڭ ناتيجەسىندە قازاقستاننىڭ 150 دەي مەملەكەتتىك قىزمەتكەرلەرى، مينينسترلەرى مەن باسقا دا لاۋازىمدى قىزمەتكەرلەرىنىڭ بىلىمدەرىن جەتىلدىرۋىن استانادا جانە سينگاپۋردا ۇيىمداستىردىم. 2012 - جىلى نازاربايەۆ ۋنيۆەرسيتەتىن لي كۋان يۋ اتىنداعى مەملەكەتتىك ساياسات مەكتەبىنە 5 جىلدىق كەلىسىمشارت جاسالۋىنا مۇرىندىق بولدىم. كەلىسىمشارت وسى جىلدىڭ مامىردا تاعى 5 جىلعا ۇزارتىلدى»، - دەدى ايگەرىم بولات قىزى.

 ونىڭ ايتۋىنشا، بوككاني ۋنيۆەرسيتەتى مەن قازاقستاننىڭ مەملەكەتتىك باسقارۋ اكادەمياسى اراسىنداعى ستراتەگيالىق سەرىكتەستىڭ جولعا قويىلۋىنا سەبەپكەر بولعان. «بۇل ەڭبەكتەرىمدى تاريحي وتانىمنىڭ دامۋىنا قوسقان كىشكەنتاي عانا پەرزەنتتىك ۇلەسىم رەتىندە قابىل الىڭىز. مەن ءسىزدىڭ ءۇش ءتىلدى وقىتۋ باستاماڭىزدى تولىقتاي قولدايمىن. بۇل قازاق جاستارىن 21 - عاسىردىڭ كۇنسايىن وزگەرىپ جاتاتىن تالاپتارىنا دايىرلاۋدىڭ قامى»، - دەدى ايگەرىم بولات قىزى قازاقستان پرەزيدەنتىنە قاراتا.

اۆتور: مارلان جيەمباي