قۋاندىق راحىم: گاۋھار ەكەۋمىز بىرگە ءان سالماي تۇرىپ ءبىر- بىرىمىزگە ولەردەي عاشىق بولدىق

ونەر يەسىنىڭ «لاۋلا» دەپ اتالاتىن جاڭا تۋىندىسى دا تىڭدارمانىن تاۋىپ ۇلگەردى.

 ال، ءدۇيىم جۇرت بۇل دۇنيەنىڭ كىمگە ارنالعانىن بىلە مە؟ بۇل سۇراققا ءانشىنىڭ ءوزى Stan.kz سايتىنا بەرگەن سۇحباتىندا جاۋاپ بەردى.

 شىنىمدى ايتايىن «لاۋلا» ءانى كەزىندە مەنىمەن دۋەتتە ءان ورىنداعان گاۋھار سارداربەككە ارنالادى. بۇل تۋىندىدا مەن ونىڭ سۇلۋلىعى جايلى سىر شەرتەمىن» ، - دەيدى قۋاندىق راحىم.

ايتۋ كەرەك، سەرى جىگىت پەن سىلقىم سۇلۋدىڭ اراسىندا ماحاببات سەزىمى بار دەگەن قاۋەسەت ەل اراسىندا ءجۇردى. الايدا، انشىلەر مۇنى ۇنەمى تەرىسكە شىعاراتىن. دەسەك تە، ۇزىن قۇلاقتىڭ ايتقانى راس بولىپ شىقتى.

«مەن وسىعان دەيىن گاۋھاردى قارىنداسىمداي كورەمىن دەپ ايتاتىنمىن. بۇگىن سىرىمدى اشايىن. گاۋھار ەكەۋمىز دۋەت بولماي تۇرىپ كوڭىل قوسقانبىز. جاسىرمايمىن مەن ونى، ول مەنى ولەردەي سۇيدىك. شاڭىراق كوتەرەمىز دەپ تە ويلاعان ەدىك.

 كەيىننەن دۋەت بولىپ شىققالى ول مەنى تىڭدارمان قىزداردان قىزعانىپ ءجۇردى. قىزعانىش سوڭى ۇرىسقا اينالدى. كونسەرت سايىن جانجال بولىپ تۇراتىن. مۇنى كورگەن پروديۋسەرىم جاننا ابۋوۆا ونەر يا بولماسا گاۋھاردى تاڭدا دەپ تالاپ قويدى. مەن ارينە ونەردى تاڭدادىم. وكىنبەيمىن. دەسە دە، گاۋھاردى كەيدە ساعىناتىنىم بار» ، - دەپ قۋاندىق وسىعان دەيىن ەشكىمگە ايتپاعان قۇپياسىن جايىپ سالدى.

ءار كونسەرت سايىن نازىك جاندىلاردىڭ جۇرەگىن جاۋلايتىن جىگىت ءوزىنىڭ «جۇرگىش» ەكەنىن دە جاسىرمادى.

 «كەزىندە اقان سەرى، اباي اتامىز قاي جەرگە بارسا دا ارۋلاردىڭ كوڭىلىن اۋلايتىن. مەن دە قىزداردىڭ ءوزى مەنىمەن سويلەسكىسى كەلىپ تۇرسا، قاشىپ كەتۋ ەر ازاماتقا ءتان قىلىق ەمەس دەپ تۇسىنەمىن. ءبىرىنىڭ كوزى، ەندى ءبىرىنىڭ ءسوزى ادەمى بولادى. مەن مۇنداي جاعدايلاردى وتپەلى ماحابباتقا جاتقىزامىن» ، - دەيدى ءانشى.

ال، كەيىننەن قوسىلعان البينا شارداروۆا قۋاندىقتىڭ تالعامىنا ساي كەلمەيتىن كورىنەدى.

«البينانى ادام رەتىندە سىيلايمىن. اقكوڭىل ابزال ادام. ال، سەزىم جايلى سۇراساڭىز شىنىمدى ايتايىن ەكەۋمىزدىڭ مىنەزىمىز ەكى ءتۇرلى. ارمانىمىز ەكى ءتۇرلى. سوندىقتان تەك شىعارماشىلىق بايلانىستامىز» ، - دەدى قۋاندىق راحىم.