دۇنيەجۇزى قازاقتارى قاۋىمداستىعىنا جاڭا باسشى سايلاندى

استانا. قازاقپارات - زاۋىتبەك تۇرىسبەكوۆ دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى بولىپ سايلاندى.

ونىڭ كانديداتۋراسىن دۇنيەجۇزى قازاقتارىنىڭ V قۇرىلتايىندا ەلباسى نۇرسۇلتان نازاربايەۆ ۇسىندى، دەپ حابارلايدى قازاقپارات.

«ەندى ءبىز ءتوراعانىڭ ءبىرىنشى ورىنباسارىن سايلاۋىمىز كەرەك. جانىمدا وتىرعان تالعات ماماشوۆ 2004-جىلدان باستاپ اتقارىپ كەلەدى. ءبىراز جۇمىس ىستەلدى. سىرتتاعى وتانداستارىمىزبەن رۋحاني-مادەني بايلانىستار نىعايا ءتۇستى»، - دەگەن مەملەكەت باسشىسى تالعات ماماشوۆقا جەمىستى جۇمىسى ءۇشىن ريزاشىلىعىن ءبىلدىردى.

«مەن ەندى وسى ورىنعا زاۋىتبەك تۇرىسبەكوۆتى ۇسىنعىم كەلەدى. تاۋەلسىزدىك جىلدارى ىشىندە مەنىڭ تاپسىرماممەن تالاي جاۋاپتى قىزمەتتەرى اتقاردى. ىسىلعان، تاجىريبەلى. كەزىندە قازاقتىڭ كوشى-قون دەموگرافيا اگەنتتىگىن باسقاردى. وبلىستا اكىم، ىشكى ىستەر ءمينيسترى بولدى. مەملەكەتتىك قىزمەت ىستەرى اگەنتتىگىن باسقاردى. ەڭ نەگىزگىسى قانداستارىمىزدىڭ ەڭ كوپ تۇراتىن رەسەي مەن وزبەكستاندا ەلشى بولدى. ولاردىڭ جاعدايىن جاقسى بىلەدى»، - دەدى قازاقستان پرەزيدەنتى.

تۇرىسبەكوۆتىڭ كانديداتۋراسىن قۇرىلتاي دەلەگاتتارى ءبىراۋىزدان قولداپ داۋىس بەردى.

«سەنىم ارتقاندارىڭىزعا كوپ راحمەت. بۇل قىزمەت ءار قازاق ءۇشىن بولەك دۇنيە. مەن كوپ سويلەمەيمىن، ءىستىڭ جايىن جاقسى بىلەم. بارلىعىن ىسپەن عانا دالەلدەگىم كەلەدى»، - دەدى ءتوراعانىڭ جاڭا ءبىرىنشى ورىنباسارى ءوز كەزەگىندە.