دۇنيەجۇزى قازاقتارى قۇرىلتايىنىڭ كەڭسەسى الماتىدان استاناعا كوشىرىلەدى
بۇل تۋرالى بۇگىن ەلورداداعى تاۋەلسىزدىك سارايىندا ءوتىپ جاتقان دۇنيەجۇزى قازاقتارىنىڭ V قۇرىلتايىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«قۇرىلتايدىڭ وفيسىن الماتىدان استاناعا كوشىرەتىن ۋاقىت كەلدى. باسشىلاردىڭ جانىندا بولۋى كەرەك»، - دەپ اتاپ ءوتتى مەملەكەت باسشىسى.
قازاقستان پرەزيدەنتى الداعى ۋاقىتتا قۇرىلاتىن «وتانداستار» قورى دۇنيەجۇزى قازاقتارىنىڭ قاۋىمداستىعىمەن بىرلەسىپ، وتانداستارعا جان-جاقتى قولداۋ مەن كومەك كورسەتۋ ءىس-شارالارىن انىقتاپ، كەشەندى باعدارلاما ازىرلەۋى كەرەكتىگىن باسا ايتتى.
«ول باعدارلامادا قازاقتىڭ كوشى مەن الىستاعى اعايىنمەن بايلانىستىراتىن بارلىق ماسەلەلەردى قامتۋىمىز كەرەك. باعدارلامانىڭ باسىمدىقتارى مەن مىندەتتەرى قور ارقىلى ىسكە اسىرىلاتىن بولادى»، - دەدى نۇرسۇلتان نازاربايەۆ.
