سەگىز جاسىندا بويى ەكى مەتر بولعان بالا رەكوردتار كىتابىنا ەنۋدى ارمانداپ ءجۇر - فوتو
كىشكەنە كاران سينگحتىڭ بويى ايگىلى ۆلاديمير كليچكونىكىمەن بىردەي. ءجاسوسپىرىمنىڭ باسكەتبول وينايتىن اناسى دا بويشاڭ.
بۇل تۋرالى The Daily Mail باسىلىمى جازدى.
كاران الەمدەگى ەڭ بويى ۇزىن ادام اتانىپ، اتا- اناسىن قۋانتپاق. الداعى ۋاقىتتا رەكورد ورناتۋدى جوسپارلاپ ءجۇر ەكەن. ونىڭ 33 جاستاعى اناسى شۆيتلانۋ كاسىبي باسكەتبولشى. بۇگىندە كاران مەن اكەسىنىڭ بويى بىردەي.
«ءبىز كاراندى ەندوكرينولوگ مامانعا ءجيى تەكسەرتىپ تۇرامىز. وسى ۋاقىتقا دەيىن اناليزدەر تەرىس ناتيجە كورسەتكەن ەمەس. مۇنىمەن قاتار، توزىمدىلىك ماسەلەسىنە كەلگەن كەزدە دە اسا قينالمايدى. بار بولعانى وعان كيىم ساتىپ الاتىن كەزدە عانا قينالامىز»، - دەيدى اناسى.
كاراننىڭ ءوزى ساباقتان قولى بوساي سالىسىمەن باسكەتبول ويناپ جاتتىعاتىنىن ايتادى.
«ءۇي تاپسىرماسىن جاساپ بولعان سوڭ، بىردەن باسكەتبول ويناۋعا كىرىسەمىن. ارتىنشا اناممەن دە باسكەتبول وينايمىن. سپورتتان بولەك، عىلىمعا ەرەكشە قىزىعامىن. انام سەكىلدى بويشاڭ بولعان ۇنايدى. مەن بويىمنىڭ بۇدان دا ۇزىن بولعانىن قالايمىن»، - دەيدى كاران.
كاران تۋا سالعان كەزدە گيننەسس رەكوردتار كىتابىنا تىركەلگەن. ول اتالعان كىتاپقا تاعى ءبىر مارتە تىركەلۋدى ارمانداپ ءجۇر.
