اۆستريانىڭ س ءى م: مۇسىلمان بالاباقشالاردى جاۋىپ تاستاۋ كەرەك
استانا. قازاقپارات - اۆستريانىڭ سىرتقى ىستەر ءمينيسترى جانە ە ق ى ۇ قازىرگى ءتوراعاسى سەباستيان كۋرتس مۇسىلمان وتباسىلارىنان شىققان بالالارعا ارنالعان مەكتەپكە دەيىنگى ءبىلىم بەرۋ ورىندارىن جاۋىپ تاستاۋ تۋرالى پىكىر ءبىلدىردى،
دەپ حابارلايدى ر ي ا نوۆوستي.
Kurier باسىلىمى وتكىزگەن پىكىرتالاس كلۋبىندا سەباستيان كۋرتس مۇسىلمان بالالارعا ارنالعان بالاباقشالاردى جاۋىپ تاستاۋدى ۇسىندى.
«مۇسىلمان بالالار باقشاسى بىزگە كەرەك ەمەس. مۇنداي بالاباقشالار ەلدە مادەني جانە تىلدىك جاعدايلاردا وقشاۋلانۋعا الىپ كەلەدى»، - دەدى اۆستريانىڭ سىرتقى ىستەر ءمينيسترى.
ونىڭ پىكىرىنشە، ەۋروپا قۇرلىعى ەكىنشى دۇنيەجۇزىلىك سوعىستان باستالعان كوشى- قون داعدارىسىنان، تاياۋ شىعىس پەن سولتۇستىك افريكا ەلدەرىندەگى قارۋلى قاقتىعىستار مەن ەكونوميكالىق پروبلەمالاردان زارداپ شەگىپ وتىر.
