عاجاپ وقيعا: ارىستان جەتىم قالعان الاندى باۋىرىنا باستى - كەسكىن

ادەتتە تابيعي جاعدايدا ارىستاندار 10 جىلدان 14 جىلعا دەيىن ءومىر سۇرەدى، ال زووباقتا جيىرما جىلدان استام تىرشىلىك ەتەتىندەرى دە بارشىلىق.

رەيچەل 14 جىلدان كەيىن كۇشىكتەدى. بۇل ارىستاندار ءۇشىن تىم كەش. ونىڭ اعزاسى بۇل اۋىرتپاشىلىقتى كوتەرە الماي، حاري تۋعاننان كەيىن جەتى ايدان سوڭ جۇرەك تالماسىنان ءولدى.

ادەتتە، تابيعاتتا الاندار توپقا قوسىلىپ، باسقا ارىستانداردىڭ كوز الدىندا وسەدى. ال بلەكپۋل زووباعىندا وزگە جىرتقىشتار بولماعان، قاراۋشىلار حاريدىڭ الدىنان سان ءتۇرلى قيىندىقتاردىڭ كەزدەسەتىندىگىنەن قاۋىپتەندى.

ءبىراق ولار ادام تاڭقالارلىق عاجاپ وقيعانىڭ كۋاسى بولدى. ۋوللەس ۇرپاعىنىڭ تاربيەسىن، قام-قارەكەتىن ءوز موينىنا الدى.