قىرىق ليتر بوياۋ جۇمسالعان سۋرەت

 بۇل قىرعىزستاندىق ايگىلى DOXA ارت گرۋپپاسى مەن قالا اكىمدىگىنىڭ بىرلەسكەن جوباسى. DOXA ارت گرۋپپاسىنىڭ تالاناتتى جىگىتتەرى سەرگەي كەللەر مەن دميتري پەتروۆسكي 16 -جىلدان بەرى سۋرەت ونەرىمەن اينالىسىپ كەلەدى. ۇلكەن قالالارداعى تۇرعىن ءۇي قابىرعالارىن ۇلتتىق ناقىشتا بەينەلەۋ ارقىلى اتى شىققان جىگىتتەر ات باسىن استاناعا بۇرىپتى. سەرگەي كەللەردىڭ ايتۋىنشا، بەينەلەۋ ونەرىنىڭ ءبىر سالاسى ءمۋراليزمدى گراففيتيمەن شاتاستىرۋعا بولمايدى.

-  مۋراليزم جانرى 1920-1960 -جىلدارى مەكسيكادا پايدا بولعان قوزعالىس. قوعام كۇرەسكەرلەرىن كەڭ ناسيحاتتاۋعا ۇمتىلعان، ءومىر شىندىعىن ريەۆوليۋتسيالىق دامۋ تۇرعىسىنان بەينەلەۋدى ماقسات ەتكەن سۋرەتشىلەر جاڭا باعىتتى تۋدىردى. ال گراففيتيدە قالاعان كەسكىنىڭنەن باستاپ، كەز- كەلگەن ءسوزدى جازۋعا بولادى. ءمۋراليزمنىڭ ءتۇپ نەگىزىندە ۇلتتىق، پاتريوتتىق رۋح جاتىر، -  دەيدى سەرگەي كەللەر.

سۋرەتشىنىڭ سوزىنشە، تۇتاس قابىرعانى كەسكىندەۋگە ءتورت كۇندەي ۋاقىت كەتكەن. 40 ليتر بوياۋ جۇمسالعان.

 -  بۇل كارتينا سەلينوگراد كەزىندە پوچتا ماركالارىنا ءجيى شىققان تاريحي سۋرەت. جوبا الداعى ۋاقىتتا جالعاسىن تابادى، -  دەيدى استانا قالاسى اكىمدىگىنىڭ باسپا ءسوز قىزمەتىنىڭ جەتەكشىسى ەلۆيرا جۇرگەنبايەۆا. ونىڭ ايتۋىنشا، استاناداعى تاعى وسىنداي ون تۇرعىن ءۇيدىڭ سىرتىن بەزەندىرۋ جوسپارلانىپ وتىر.

ايا ءومىرتاي، "ەگەمەن قازاقستان"