اۋەدە دۇنيەگە كەلگەن ءسابي ءومىر بويى تەگىن ۇشۋ مۇمكىندىگىنە يە بولدى
استانا. قازاقپارات - ەد- داممامادان (ساۋد ارابياسى) كوچچي قالاسىنا باعىت العان ءۇندىستاننىڭ Jet Airways لاينەرىنىڭ بورتىندا اياق استىنان تاعى ءبىر جولاۋشى بوسانىپ، ءسابيلى بولدى.
ۇشاق ىشىندە دۇنيەگە كەلگەن ءسابي اۋە كومپانياسىنىڭ ەرەكشە سىيلىعىنا يە بولدى، دەپ جازادى «مويا پلانەتا».
تولعاق قىسقان ايەلدىڭ جاعدايىن بىلگەننەن كەيىن ۇشاق دەرەۋ مۋمبايعا باعىت العان. بورتتاعى فەلدشەر مەن ەكيپاج جۇكتى ايەلگە كومەك كورسەتتى. بالا Boeing 747 جەرگە قونىپ ۇلگەرمەستەن دۇنيەگە كەلدى، دەپ حابارلايدى The Independent.
اۋە كومپانياسى ءۇشىن بۇل العاشقى توسىن جاعداي بولىپ وتىر. سوندىقتان ولار جاڭا تۋعان نارەستەگە ءومىر بويى رەيستەردە تەگىن ءجۇرۋ مۇمكىندىگىن سىيلادى.
ايتا كەتەيىك، مۇنداي سىيلىقتار سيرەك كەزدەسەدى. سوڭعى رەت 2009 -جىلى AirAsia اۋە كومپانياسى پەنانگتان كۋچينگكە باعىتتالعان ەكى ساعاتتىق ۇشۋ كەزىندە دۇنيەگە كەلگەن سابيگە وسىنداي سەرتيفيكات تابىستاعان بولاتىن.
