سولتۇستىك كورەيا تۇرمەسىنەن بوساتىلعان امەريكالىق ستۋدەنت قايتىس بولدى

 ول ا ق ش- تا كوز جۇمعان. قايتىس بولعان جىگىتتىڭ تۋىستارىنىڭ ايتۋىنا قاراعاندا، ۆومبيەر سولتۇستىك كورەيادا تۇرمەگە تۇسكەن كەزدە جان مەن ءتان ازابىن قاتتى تارتقان. دارىگەرلەر ونىڭ باس سۇيەگى قاتتى زاقىمدالعاندىعىن ايتقان. ول جان- جاعىندا نە بولىپ جاتقاندىعىن جانە ءىس- قيمىلىن باقىلاۋ قابىلەتىنەن ايىرىلعان. 22 جاستاعى جاس جىگىت ءبىر جىلدان اسا ۋاقىت كومادا جاتقان. رەسمي پحەنيان بوتۋليزم دەرتىنە شالدىققان ستۋدەنتتىڭ ۇيىقتاتاتىن ءدارىنى قابىلداعاننان كەيىن جاعدايىنىڭ ناشارلاعىندىعىن حابارلادى.

 ايتا كەتەيىك، 15 جىلعا سوتتالعان ۆومبيەر سولتۇستىك كورەياعا 2015 -جىلى 25 - جەلتوقساندا بەيجىڭنەن تۋريستىك توپ قۇرامىندا كەلگەن. ول 1- قاڭتار كۇنى شەتەلدىك تۋريستەرگە ارنالعان «يانگاكتو» قوناق ءۇيىنىڭ قىزمەتتىك عيماراتىنا كىرىپ، ىلىنگەن ساياسي پلاكاتتاردى جىرتىپ تاستاعان. امەريكالىق ستۋدەنت ءوزىنىڭ كىناسىن تولىق مويىنداپ، ساياسي ارانداتۋشىلىقتارعا تاپ بولعاندىعىن ايتتى. ۆومبيەر ماۋسىم ايىنىڭ ورتاسىندا دەنساۋلىعىنىڭ ناشارلاۋىنا بايلانىستى تۇرمەدەن بوساتىلعان ەدى.