ەسىلدىڭ تەرەڭ جەرىندە شومىلۋ قاۋىپتى
استانا. قازاقپارات - قۇتقارۋشىلار استانا تۇرعىندارى مەن قوناقتارىنا اشىق سۋ قويمالارىندا شومىلۋ كەزىندە اسا اباي بولۋعاكەڭەس بەرەدى، دەپ جازادى astana.gov.kz سايتى.
تەرەڭ جەرلەردە سۋ ءالى سالقىن. سونداي-اق، ماماندار الكوگولدى ىشىمدىك ءىشىپ سۋعا ءتۇسۋ، ۇلكەندەردىڭ قاراۋىنسىز بالالاردى سۋعا جىبەرۋ وتە قاۋىپتى ەكەنىن ەسكە سالادى.
ارنايى جابدىقتالعان، رۇقسات ەتىلگەن جەرلەردە عانا شومىلعان ابزال. تاپ سول جەرلەردە كۇن سايىن ساعات 8:00 دەن 22:00 گە دەيىن قۇتقارۋ قىزمەتى جۇمىس ىستەيدى. ەلوردا تۇرعىندارى مەن قوناقتارىنا قالالىق جاعاجايدا دەمالۋعا مۇمكىندىك مول. استاناداعى جالعىز جاعاجاي - تۇران 2/1 داڭعىلىندا. قۇتقارۋشىلار ەسىل وزەنىندەگى سۋدا شومىلۋ ەش قاۋىپتى ەمەس ەكەنىن ايتادى: سۇڭگۋىرلەر شومىلاتىن ورىنداردى كۇن سايىن تازالايدى.
