ءبىلىم ءمينيسترى ماڭعىستاۋلىق تۇلەكتەردى ماقتادى

استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ ماڭعىستاۋلىق تۇلەكتەردىڭ مەكتەپ ءبىتىرۋ كەشىنە جيناعان قاراجاتتى قايىرىمدىلىققا جۇمساۋىن وڭ باعالادى، دەپ حابارلايدى قازاقپارات.

«ناعىز ازاماتتار، وسى ارەكەتتەرى ءۇشىن جەكە قۇتتىقتاۋىمدى جەتكىزگىم كەلەدى. وتە جاۋاپتى ءارى جاقسى شەشىم!»، - دەدى ساعاديەۆ پارلامەنت پالاتالارىنىڭ بىرلەسكەن وتىرىسىنان كەيىن «قازاقپارات» ح ا ا ءتىلشىسى ساۋالىنا وراي جاۋابىندا.

جاقىندا ءتۇپقاراعان اۋدانى اقشۇقىر اۋىلىنداعى مەكتەپ- ليتسەيدىڭ 45 تۇلەگى ورازا ايىندا مەكتەپ ءبىتىرۋ كەشىنەن باس تارتىپ، وزدەرى جيناعان 400 مىڭ تەڭگە قاراجاتتى اۋىر ناۋقاسقا شالدىققان 11 جاسار ءامينا تاۋىربايەۆاعا ەمدەلۋ ءۇشىن تاپسىردى. 2015 -جىلى بويىندا قاۋىپتى دەرت بار ەكەندىگى انىقتالعان ءامينا ۋاقىت وتكىزبەي ەمدەلگەنمەن، سوڭعى كەزدەرى ونىڭ كورۋ قابىلەتى كۇرت ناشارلاپ كەتكەن. ۇيىنەن ءبىلىم الاتىن قىزدى تۋىستارى مەن اتا- انالارى قىركۇيەككە دەيىن رەسەيگە اپارىپ، دارىگەرلەرگە قاراتىپ كەلۋگە بەل بۋىپ وتىر. ءامينانىڭ اجەسى ءمارياش قايىرىمدى جاستارعا ريزاشىلىعىن ءبىلدىرىپ، ۇلكەن ومىرگە باسقان قادامدارىنا ساتتىلىك تىلەدى.

 اۋدارما: رۋسلان عابباسوۆ