وقۋشىلار «الاش وردا ىزىمەن» ەكسپەديسياسىنا قاتىسۋدا

بەلگىلى بولعانداي، جوبا 2012 -جىلى ازىرلەندى، بۇل وقۋشىلاردىڭ تۋعان ەلىنە دەگەن قىزىعۋشىلىعىن ارتتىرۋعا، پاتريوتتىق سەزىمدى كۇشەيتۋگە باعىتتالدى. بۇل ساپاردىڭ ەرەكشەلىگى قازاقستان وڭىرلەرى بويىنشا زەرتتەۋلەردى جۇرگىزۋ جانە تانىسۋ ءۇشىن نازاربايەۆ زياتكەرلىك مەكتەپتەرى اراسىندا مارشرۋت الماسۋ بولىپ تابىلادى.

قاتىسۋشىلاردىڭ ايتۋىنشا، مۇنداي شارالار جان- جاقتى دامۋعا، جاڭا ءبىلىم الۋعا، سونداي- اق ەلىمىزدىڭ گەوگرافياسىمەن تانىسۋعا مۇمكىندىك بەرەدى. رەسپۋبليكا اۋقىمىنداعى ەكسپەديتسياعا نازاربايەۆ زياتكەرلىك مەكتەپتەرىنەن 240 وقۋشى قاتىسىپ جاتىر. بيىل 10-19 - ماۋسىم ارالىعىندا، تالدىقورعان قالاسى ن ز م اتىراۋ مەن اقتوبە قالالارىنان ەكى توپتى قابىلداۋدا.

ەكسپەديتسيا مارشرۋتى «الاش وردا ىزىمەن» دەپ اتالادى. جوبا اياسىندا ەكسپەديتسياعا شىققان توپتار ەلدىڭ بارلىق وبلىستارىنا بارىپ، جانۋارلار، وسىمدىكتەر الەمىن، يننوۆاتسيالىق نىساندار مەن ساۋلەت قۇرىلىستارى جانە ت. ب. زەرتتەيدى. «تۋعان ەلگە تاعزىم» ەكسپەديتسياسى نزم بارلىق وقۋشىلارىنا دامۋعا، عىلىمي زەرتتەۋلەرمەن اينالىسۋعا مۇمكىندىك بەرەدى. بيىل شاعىن ساياحاتقا ءىرى تاريحي وقيعا - الاش وردانىڭ 100 جىلدىعى سەبەپ بولدى. ءار وقۋشى ەلدىڭ ءوڭىرىن تاڭداپ، ءوز عىلىمي جۇمىسىن جازادى.

مىسالى، مەنىڭ تاڭداعان تاقىرىبىم، «الاش وردا وكىلدەرىنىڭ شيفرلانعان اتاۋلارى دەپ اتالادى. سوندىقتان الماتى وبلىسى بويىنشا مارشرۋت تاقىرىبىما تولىقتاي سايكەس كەلەدى»، - دەدى اتىراۋ قالاسى ن ز م وقۋشىسى كوڭىلكوش بەك.

 اتاپ وتسەك، ەكسپەديتسيا باعدارلاماسى بالالار تاڭداعان عىلىمي تاقىرىپتاردى ەسەپكە الىپ جاسالادى. رۋحاني- ادامگەرشىلىك قۇندىلىقتاردى قالىپتاستىرۋ، «ماڭگىلىك ەل» جالپى ۇلتتىق پاتريوتتىق يدەيانى، ن. نازاربايەۆتىڭ «بولاشاققا كوزقاراس: قوعامدىق سانانى جاڭعىرتۋ» ماقالاسىنىڭ يدەيالارىن ىسكە اسىرۋ ماقساتىندا بيىل رەسپۋبليكالىق ن ز م- دەن 24 وقۋشى الماتى وبلىسىنداعى «تۋعان ەلگە تاعزىم» زەرتتەۋ ەكسپەديتسياسىنا قاتىستى.