قازاق اجەلەردىڭ ونەرى قىتايلىق كورەرمەندەردى تامساندىردى

جاقىندا، قىتايدىڭ CCTV ورتالىق تەلەارناسى ۇيىمداستىرعان رەسپۋبليكالىق «ونەرلى قىتايلىقتار» بايقاۋىندا، «اققۋ» اجەلەر ءانسامبلى ۇلتىمىزدىڭ ءجۇن ساباۋ ، سىرماق تىگۋ، ءجىپ ءيىرۋ سەكىلدى كورىنىستەرىن ساحنالاپ، كورەرمەندەردى ءتانتتى ەتتى.

اتالمىش تەلەارنانىڭ سايتىندا جاريالانعان بەينەجازبادا، اجەلەردىڭ جوبا تالىمگەرلەرىنڭ ىستىق ىقىلاسىنا بولەنىپ، ولاردى بىرگە بيلەتىپ جىبەرگەنىن بايقاۋعا بولادى. «ەرەكشە جاعىمدى اۋەن» ، « ءاننىڭ بوياۋى ەرەكشە، اجەلەر ەمەس جاس بالالاردىڭ حورى ايتىپ تۇرعانداي سەزىلدى» ، «ولاردىڭ ارەكەتى ەرەكشە سۇيكىمدى، اسىرەسە ءجىپ يىرگەنى كەرەمەت!» ، دەپ پىكىر بىلدىرگەن ءادىلقازىلار ءبىراۋىزدان «ناعىر ونەرلىلەر» دەپ باعالادى.

سونىمەن بىرگە اجەلەر ساحنادا كورسەتكەن ءار قيمىلدارىنىڭ ماعىناسىن ءتۇسىندىرىپ تە بەردى.

 ناتيجەسىندە «اققۋ» اجەلەر ءانسامبلى «ونەرلى قىتايلىقتار» اتالىمى بويىنشا ماراپاتتالدى.

 ايتا كەتەيىك، اجەلەردىڭ ەڭ ۇلكەنى 75 جاستا بولسا، ەڭ كىشىسى 65-تە ەكەن. ءانسامبلدىڭ جەتەكشىسى شىڭجاڭداعى بەلگىلى ءبي رەجيسسەرى ەرسىن قيزات ۇلى.

اۆتور: ريزابەك نۇسىپبەك ۇلى