ەكسپو- نى جامانداپ جازعان شەتەل جۋرناليسى استاناعا كەلمەگەن

 سوعان قاراماستان، كورمەنى جامانداپ جازعان، دەپ حابارلايدى قازاقپارات ءتىلشىسى.

 «ءبىز ول جۋرناليستىڭ بار ەكەنىن انىقتادىق. بريتاندىق دجەيمس پالمەر بىرنەشە باسىلىمعا ورتالىق ازيا مەن قىتاي تۋرالى جازادى ەكەن. الايدا ەكسپو-2017 كورمەسىندە ونداي جۋرناليست تىركەلگەن جوق. ول - ءبىر. ەكىنشىدەن، دجەيمس پالمەر دەگەن كىسى قازاقستان شەكاراسىن كەسىپ وتپەدى. دەمەك، پالمەر مىرزا ءوز ماتەريالىن وزگە بىرەۋدىڭ پىكىرىنە سۇيەنىپ جازعان، ءيا بولماسا، رەپورتاجىن تاپسىرىس بويىنشا شىعارعان»، - دەدى «استانا ەكسپو-2017» ۇلتتىق كومپانياسىنىڭ قوعاممەن بايلانىس دەپارتامەنتى ديرەكتورى سەرگەي كۋيانوۆ استانادا وتكەن باسپا ءسوز ءماسليحاتىندا.

 ونىڭ ايتۋىنشا، شەتەلدىك جۋرناليست ءوز ماتەريالىندا كوپ فاكتىلەردى بۇرمالاپ كورسەتكەن. ماسەلەن، كورمە قۇرىلىسىنا كەتكەن اقشانىڭ جالپى سومماسى 5 ميلليارد دوللار ەمەس، 1,3 ميلليارد دوللاردى قۇرايدى.

 اۆتور: ارمان اسقاروۆ