سينوپتيكتەردىڭ بولجاۋىنشا قازاقستاندا ەرەكشە اپتاپ ىستىق بولادى

 ەگەر دە رەسپۋبليكانىڭ شىعىسى مەن ورتالىعىندا اتموسفەرالىق اعىندارعا بايلانىستى قىسقا مەرزىمدى نايزاعايلى جاڭبىر بولىپ، وسىنىڭ اسەرىنەن ىستىقتىڭ ازداپ السىرەگەنى بايقالسا، ىستىق اۋا- رايى وڭتۇستىك جانە وڭتۇستىك شىعىستا ءالى دە ساقتالادى، اۋا تەمپەراتۋراسى نورمادان 5-8 س جوعارى بولادى.

قازگيدرومەتتىڭ حابارلاۋىنشا، باتىس ءسىبىردىڭ ۇستىندە ورنالاسقان سيكلوننىڭ وڭتۇستىك پەريفەرياسى قازاقستاننىڭ باتىس جانە سولتۇستىك وبلىستارىنا اسەر ەتەتىن بولادى. سوندىقتان، وسى ايماقتىڭ كەي جەرلەرىندە جاڭبىر، نايزاعاي، قاتتى ەكپىندى جەل سوعىپ، بۇرشاق جاۋۋى مۇمكىن. اۋا تەمپەراتۋراسى نورماعا جاقىن بولادى دەپ بولجانۋدا.

 20 - ماۋسىمدا استانادا كوشپەلى بۇلت شىعادى، الايدا جاۋىن- شاشىن بولمايدى. باتىس، وڭتۇستىك باتىستان سوققان جەلدىڭ ەكپىنى 9-14 م/س بولادى. تۇندە اۋا تەمپەراتۋراسى +15+17 س، كۇندىز +28+30. الماتىدا 20 - ماۋسىمدا كوشپەلى بۇل تۇرادى، نايزاعايلى جاۋىن بۇركىپ وتەدى. جەل 2-7, جاڭبىر كەزىندە ەكپىنى 10 م/س- گە جەتەدى. اۋا تەمپەراتۋراسى تۇندە +19+21 س، كۇندىز +30+32 س بولادى.