قانات يسلام دۇنيەجۇزىلىك بوكس قاۋىمداستىعىنىڭ رەيتينگىندە ءبىر ساتىعا كوتەرىلدى
قانات يسلام 27- مامىر كۇنى ا ق ش- تىڭ فلوريدا قالاسىندا وتكەن كەزەكتى جەكپە-جەگىندە نوربەرتو گونسالەسپەن (23-8,13 ك و) 12 راۋند بويى جۇدىرىقتاسىپ، ۇپاي سانىمەن جەڭىسكە جەتتى. سونداي-اق قانات ءبىرىنشى ورتا سالماقتا WBA ءنۇسقاسى بويىنشا Inter- Continental جانە Fedelatin, WBO Inter- Continental جانە NABO تيتۋلىنىڭ يەگەرى اتانىپ، boxrec پورتالىنىڭ الەمدىك رەيتينگىندە 22-ورىننان كورىندى.
ايتا كەتەيىك، ءبىرىنشى ورتا سالماقتا WBA تۇجىرىمى بويىنشا سۋپەر چەمپيون جانە تۇراقتى الەم چەمپيونى تيتۋلى كۋبالىق ەريسلاندي لاراعا جانە امەريكالىق دەمەتريۋس اندرادەگە تيەسەلى.
ءبىرىنشى اۋىر سالماقتاعى قازاقستاندىق يسا اقبەربايەۆ (18-0- 0,13كو) رەيتينگتە - 14- ءشى، ال جانقوش تۇراروۆ (21-0- 0,15 ك و) 10-ورىنعا ورنالاستى.
ال كەلەسى قازاقستاندىقتار - ورتا سالماقتاعى بوكسشى گەنناديي گولوۆكين (37-0-0,33كو) مەن جەڭىل سالماقتاعى جانات جاقيانوۆ (27-1-0,18 كو) WBA تۇجىرىمىنىڭ سۋپەر چەمپيون جانە ءابسوليۋتتى چەمپيون تيتۋلىنىڭ يەگەرى اتاعىن ساقتاپ وتىر.
ەسكە سالا كەتەيىك، بۇعان دەيىن دۇنيەجۇزىلىك بوكس قاۋىمداستىعى (WBA) ءبىرىنشى اۋىر سالماقتا ونەر كورسەتەتىن بەيبىت شۇمەنوۆتى (17-2, 11 ك و) WBA تۇراقتى چەمپيون تيتۋلىنان ايىرعاندىعى تۋرالى حابارلاعان بولاتىنبىز.