قازاق قىزى مانچەستەر ءتۋرنيرىنىڭ جەڭىمپازى اتاندى

استانا. قازاقپارات - قازاقستاندىق زارينا دياس  ۇلى بريتانيانىڭ مانچەستەر قالاسىندا مارەگە جەتكەن ITF تۋرنيرىندە جەڭىمپاز اتاندى، دەپ حابارلايدى «قازاقپارات» ءتىلشىسى.

www.myscore.ru سايتىنان تىكەلەي كورسەتىلىمدە بەلگىلى بولعانىنداي، الەمنىڭ 207- ءىنشى راكەتكاسى ز. دياس فينالدا دۇنيەجۇزىلىك رەيتينگتە 101- ءىنشى ورىندا تۇرعان سەربيالىق الەكساندرا كرۋنيچتى 6:4, 6:4 ەسەبىمەن ۇتتى.

ءسويتىپ، زارينا جۇلدە قورى 100 مىڭ ا ق ش دوللارى بولاتىن مانچەستەر تۋرنيرىندە جەڭىس تۇعىرىنا كوتەرىلدى.

ەسكە سالا كەتەيىك، زارينا جارتىلاي فينالدا الەمنىڭ 115- ءىنشى راكەتكاسى، ۇلى بريتانيالىق ناومي برەديدى 6:3, 6:4 ەسەبىمەن جەڭگەن بولاتىن.

كەزىندە ز. دياس كوپ ۇزاماي باستالاتىن «ۇلكەن دۋلىعا» جارىسىنىڭ ءبىرى - ۋيمبلدون ءتۋرنيرىنىڭ ءتورتىنشى اينالىمىنا دەيىن جەتكەن ەدى.