قىتاي سولتۇستىك كورەيلىك جۇمىسشىلار سانىن قىسقارتۋدا
استانا. قازاقپارات - قىتاي ك ح د ر- دان كەلگەن جۇمىسشىلار سانىن قىسقارتۋدا. مۇنى جاپونيا مەن ا ق ش شيكى مۇنايدى جەتكىزۋدى قىسقارتۋمەن قاتار پحەنيانعا قىسىم كورسەتۋدىڭ بارىنشا پارمەندى تاسىلدەرىنىڭ ءبىرى دەپ سانايدى.
سەبەبى بۇل شەتەل ۆاليۋتاسىن الۋدىڭ نەگىزگى ارنالارىنىڭ ءبىرى. بۇل تۋرالى Nikkei گە سىلتەمە جاساپ ت ا س س حابارلادى.
ونىڭ دەرەكتەرىنە سايكەس، 2016-جىلعى ناۋرىزدا قاۋىپسىزدىك كەڭەسى ك ح د ر- ءدىڭ ءتورتىنشى يادرولىق سىناعىنا بايلانىستى كەزەكتى قاراردى قابىلداعاندا، قىتاي بيلىگى كەي كومپانيالارعا جۇمىسقا سولتۇستىك كورەيلىك جۇمىسشىلاردى الماۋعا نۇسقاۋ بەرگەن.
سودان بەرى مۇنداي كومپانيالار سانى بىرتىندەپ ۇلعايۋدا. بۇل تالاپ اسىرەسە ك ح د ر - مەن شەكارالاس جيلين جانە لياونين پروۆينتسيالارىندا قاتاڭ قويىلىپ وتىر. سونىمەن قاتار، گازەتتەردە بۇعان بايلانىستى رەسمي جازباشا وكىمدەردىڭ تۇسپەگەنى تۋرالى جازىلدى. قىتاي ب ۇ ۇ ق ك قارارلارىنا نەگىزدەلمەگەن ءبىرجاقتى سانكسيالار ەنگىزۋگە سىني كوزبەن قارايدى.
