ەڭ كوپ ايلىق الاتىن تاكسيستەر

تومەندەگى تاكسيستەردىڭ جالاقىسى وزدەرى تاسىمالدايتىن جولاۋشىلارىنىڭ ايلىعىنان دا جوعارى. سونىمەن «قالتالى» تاكسيستەر جايلى بىلە جۇرىڭىزدەر.

 تولقىن بەكشيبايەۆا، 44 جاستا

ورتاشا ايلىق تابىسى -340000 تەڭگە دەيىن

نەگىزگى جۇمىسىم تەمىر جول جانە اەروناۆيگاتسيالىق جۇيەلەردى جوبالاۋ. بوس ۋاقىتىمدا كولىكپەن ادام تاسيمىن. نەگىزگى جۇمىسىمدا جۇمىس كەستەسى ەركىن جانە ونى تولىق ورىنداعاننان كەيىن ءوز ۋاقىتىمدى قالاۋىمشا جۇمسايمىن.

2016 -جىلدىڭ قازانىنا دەيىن مەندە بەلگىلەنگەن جۇمىس كەستەسى بولاتىن. الايدا، كوپشىلىگىمىزدىڭ باسىمىزدا بار جاعداي، جۇمىس تولىق قامتاماسىز ەتە المادى. جالاقى ۇنەمى ءبىز ويلاعانداي بولا بەرمەيدى. ءتورت بالام بار، ەكى ۇلكەنى ستۋدەنتتەر، سوندىقتان دا ماعان جوعارى تابىس كەرەك. بۇرىن جوبالاردى كوپ الۋعا تىرىساتىنمىن، ءبىراق بۇل قيىن ەكەن. ۇدايى ءبىر نارسەنى ويلاي بەرسەڭ، جۇمىستىڭ سيپاتى دا تاۋلىك بويى وزگەرمەيدى، قاتتى شارشايسىڭ.

ءبىر كۇنى ماعان جۇمىسىمنان ەداۋىر ەرەكشەلەنەتىن ەكىنشى جۇمىستىڭ كەرەك ەكەنىن ۇقتىم. قازىر جوبالارمەن اينالىسقاندا، سونىمەن قاتار ادامدارمەن ارالاسقاندا فيزيكالىق تۇرعىدان دەمالامىن. جوبا جۇمىستارىن اياقتاپ، تاپسىرىس قابىلداعاندا مۇلدەم وزگە قىزمەتىم باستالادى. ۇنەمى رولدە وتىرىپ، كولىك جۇرگىزۋشىلەرى تۋدىراتىن كۇيزەلىستىك كۇيدە بولعاندىقتان، مۇنى فيزيكالىق ەڭبەك دەۋگە دە كەلەدى. ونىڭ ۇستىنە ماعان رولدە وتىرىپ، جولاۋشىلارمەن اڭگىمەلەسكەن ۇنايدى.

جاقىندارىم مەن دوستارىم مەنىڭ جاڭا جۇمىسىما ۇركە قارادى. باسىندا حالىمدى سۇراپ ءجيى حابارلاساتىن. قازىر ۇيرەندى، ەكىنشى جاعىنان، جاقسى تابىس اكەلەتىنىن بىلەدى. قازىر ۇلىم دا وسى ىسكە قىزىعىپ ءجۇر، ماعان كومەكتەسەدى.

جاڭا جىلدا بولعان ءبىر وقيعا ەسىمدە. گۇل دۇكەنىنە جەتكىزۋدى سۇراعان جىگىتتى جەتكىزىپ سالدىم. جولدا ول ۇناتاتىن قىزىنا ۇسىنىس جاساماقشى ەكەنىن ايتتى. ول مۇنى سونداي ماقتانىشپەن ايتتى جانە سول كەزدە وتە باقىتتى ەدى. گۇل دۇكەنىنەن 117 راۋشان گۇلىنەن تۇراتىن ۇلكەن گۇل دەستەسىن ساتىپ الدى. اۆتوكولىگىمنىڭ ءىشى ادەمى گۇلدىڭ حوش يىسىنە تولدى. اڭگىمە بارىسىندا ول مەنەن كىشى بولسا دا، ءبىر مەكتەپتە وقىعان بولىپ شىقتىق. مەن وزىمە ساباق بەرگەن مۇعالىمدەردى ايتتىم، ولار ەگدە تارتسا دا ءالى كۇنگە دەيىن وسى جاس جىگىتكە ساباق بەرگەن ەكەن. سودان كەيىن ونى قاجەتتى جەرىنە جەتكىزىپ سالدىم، ساتتىلىك تىلەدىم. ىزىنشە كولىگىمە بىردەڭەگە رەنجىگەن قىز بالا وتىردى. الايدا، كولىككە وتىرىسىمەن- اق، سالونداعى گۇلدىڭ ءيىسىن سەزىپ، وزگەرىپ سالا بەردى، كۇلىمدەدى. گۇلدىڭ ءيىسى ونىڭ كوڭىل- كۇيىن كوتەرىپ تاستادى جانە ول كولىكتەن رەنجىگەنىن ۇمىتىپ شىقتى.

سودان سوڭ قاڭتار بويى كەم دەگەندە اپتاسىنا ءبىر رەت كۇيەۋ جىگىت پەن سۇيىكتىسىنە ۇسىنىس جاساعالى بارا جاتقان جىگىتتى جەتكىزىپ ءجۇردىم.

 بۇل جەڭىل جۇمىس ەمەس، ءار ءتۇرلى جولاۋشىلار مىنەدى. اڭگىمەلەسىپ، قانداي دا ءبىر تاقىرىپتى تالقىلايتىن ادامدار بار، كەيدە جاعىمسىز اسەر قالدىراتىن قيىن ادامدار دا كەزدەسەدى. پوزيتيۆتى ادامداردان جاقسى ەنەرگيا قۋاتىن الاسىڭ. ۇدايى ەنەرگيا الماسۋ جۇرەدى.

قانات قيلىبايەۆ، 31 جاستا

ورتاشا ايلىق تابىسى - 400000 تەڭگە دەيىن

مەنىڭ ماماندىعىم «مۇناي جانە گاز وڭدەۋ تەحنولوگياسى» . الايدا، ەڭبەك جولىمدى: بانكتە جانە «قازاقتەلەكومدا» جۇمىس ىستەپ باستادىم، قوسىمشا اقشا تابۋعا تۋرا كەلدى، سوندىقتان كەشكە قاراي ادامداردى كولىكپەن جەتكىزىپ سالاتىنمىن.

2016 -جىلدىڭ جازىندا باۋىرىم ماعان تاكسي شاقىرۋعا ارنالعان ءتۇرلى قوسىمشالاردىڭ شىققانىن، وندا جۇمىسقا تۇرىپ، جاقسى تابىس تابۋعا بولاتىنىن ايتتى. ول اپتا سايىن  125000 تەڭگەدەن استام تابىس تابامىن دەدى. مەن سەنگەن جوقپىن. كەيىن ەڭبەك دەمالىسىنا شىعىپ، سوندا جۇمىس ىستەپ كورەمىن دەپ شەشتىم. ەڭبەك دەمالىسىنان كەيىن اۋرۋحانا قاعازىن الدىم، جۇمىسىمدى جالعاستىرعىم كەلدى. سودان سوڭ جۇمىستان كەتۋ تۋرالى ارىز جازىپ، «قازاقتەلەكومنان» كەتتىم، بۇكىل ۋاقىتىمدى جاڭا جۇمىسىما ارناعىم كەلدى.

مەنىڭ اينالامداعىلار باسىندا ماعان جاقتىرماي قارايتىن. سەبەبى، تۇراقتى تابىس - ءبىر بولەك ءىس، ال مۇندا تابىس تۇراقسىز، ايلىق جالاقى جوق. ءبىراق، كەيىن ولار بۇل اقشا تابۋدىڭ شىن مۇمكىندىگى ەكەنىن تۇسىنگەندە مەن ءۇشىن قۋاندى. جاقىندا جاڭا تابىس كوزىمنىڭ كومەگىمەن قىزىما توي ۇيىمداستىردىم. ول ءبىر جاسقا تولدى.

مەن تاكسي شاقىرۋ قىزمەتى قوسىمشاسىنا تىركەلىپ، رەسمي جۇمىس ىستەي وتىرىپ، تاپسىرىس الامىن. ءبىر جاقسىسى - بۇل سالىق تولەپ، زاڭدى تۇردە جۇمىس ىستەۋگە مۇمكىندىك بەرەدى.

مەنىڭ جۇمىس كەستەم ەركىن. تۇسكە جاقىن شىعىپ، كەشكى 10-11 دەيىن ادام تاسىمالدايمىن. وسىلاي جۇرگەن ىڭعايلى، تاڭەرتەڭگى كەپتەلىستى ۇناتپايمىن. تاڭەرتەڭ ۇيىقتاپ، سەريال كورىپ تە ۇلگەرەمىن.

جۇمىسىم ماعان ۇنايدى، وتە كوڭىلدى دەسەم دە بولادى. ءار ءتۇرلى كونتينگەنتتەگى ءار ءتۇرلى ادامداردى جولىقتىرامىن. بىرەۋى ومىرلىك جاعدايىن ايتادى، باسقاسى ومىرگە ناليدى، ءۇشىنشىسى ءوز قۋانىشىمەن بولىسەدى.

 گۇلميرا حۋساينوۆا، 44 جاستا

ورتاشا ايلىق تابىسى -   220000 تەڭگە

جۇمىسسىز قالىپ، ماعان تاكسوپاركتە جۇمىس ىستەۋدى ۇسىنعان كەزدەر بولدى. باسىندا «ەكونوم تاكسيگە» ورنالاستىم، كەيىن InDriver قوسىمشاسىنا، سوسىن Uber قوسىمشاسىنا تىركەلدىم. قازىر بۇل مەنىڭ نەگىزگى جۇمىسىم. سەبەبى، مەن ۇنەمى ەركىن كەستەسى بار جۇمىس ىزدەدىم، ۋاقىتىمدى ءوزىم باسقارىپ، ءوز بەتىممەن اقشا تاپقىم كەلدى.

مەن قاشان شىعۋ قاجەت دەپ ساناعاندا عانا جۇمىسقا شىعامىن. ورتاشا العاندا كۇنىنە سەگىزدەن ساعات ونعا دەيىن جۇمىس ىستەيمىن. تاماق تانۋعا، جانارمايعا، كولىك جۋۋعا، بالانى مەكتەپكە اپارۋعا ءۇزىلىس جاسايمىن.

باسىندا قيىن بولدى، كەيىن ۇيرەنىپ كەتتىم. جۇمىسىم ۇنايدى، مەن ءۇشىن اقشا تابۋدىڭ وڭاي جولى. قازىر كارتامەن تولەۋ جۇيەسىنىڭ بار ەكەنى قۋانتادى. بۇل جولاۋشىعا دا، جۇرگىزۋشىگە دە ىڭعايلى، قايتاراتىن اقشا ىزدەپ جۇرمەيسىڭ.

جولاۋشىلاردىڭ نەشە ءتۇرلىسى جولىعادى، الايدا كوبىنەسە قىزىقتى ءارى جاعىمدى ادامدار بولادى.

weproject.kz