قىتايدا «شي جينپيڭنىڭ انەكدوتتارى مەن ناقىل سوزدەرى» جيناعى بەستسەللەرگە اينالدى

16 - ماۋسىمدا ىشىندە 109 وقيعا جازىلعان كىتاپ رەيتينگىسى بويىنشا قىتايداعى ءىرى ونلاين- ريتەيلەردىڭ ءبىرى «جيندۋننىڭ» «ساياسي جانە اسكەري ادەبيەت» ساناتىندا ەكىنشى ورىن الدى.

 China Daily باسىلىمىنىڭ جازۋىنشا، كىتاپقا قىتايدىڭ مەملەكەت باسشىسىنىڭ جۇمىسى بارىسىندا پايدالانعان قىتايلىق جانە شەت ەل قايراتكەرلەرىنىڭ باسىنان كەشكەن قىسقا وقيعالارى مەن افوريزمدەرى كىرگەن.

جيناقتى قىتاي كوممۋنيستىك پارتياسىنىڭ ورتالىق باسپا ورگانى «جەنمين جيباو» گازەتىنىڭ رەداكسيالىق ءبولىمىنىڭ قاتىسۋىمەن «جەنمين چۋبانشە» باسپاسى شىعاردى.

«ءبىرقاتار وقيعانى مەن بالا كەزىمنەن بەرى ەستىپ كەلەمىن، الايدا شي جينپيڭ ولاردى تارتىمدى باياندايدى. شي جينپيڭنىڭ جاريا ەڭبەگى ەكى ءتۇرلى سيپاتتا: ولار بارىنشا سەنىمدى جانە جوعارى مادەني باعدارىمەن ەرەكشەلەنەدى. مەن ولاردى وقىعاندا قايراتكەردىڭ ايرىقشا بولمىسىن سەزىنەمىن»، - دەيدى بەيجىڭ پەداگوگيكالىق ۋنيۆەرسيتەتىنىڭ جانىنداعى قىتاي ءتىلى مەن ادەبيەتى مەكتەبىنىڭ پروفەسسورى كان چجەن.

اۆتور: جانىبەك امانگەلدى