قازاقستان مەن قىتايدا كونتەينەرلىك ايماقتىق جۇكتەردى شوعىرلاندىرۋ ورتالىقتارى اشىلادى
Chengdu International Railway service Co., Ltd. اراسىندا ستراتەگيالىق سەرىكتەستىك تۋرالى كەلىسىمگە قول قويىلدى، دەپ حابارلايدى كومپانيانىڭ باسپا ءسوز قىزمەتى.
كەلىسىمنىڭ ماقساتى - قىتايدان قازاقستان اۋماعى ارقىلى ورتالىق ازيا، يران، تۇركيا، ەۋروپاعا، ۆەتنامعا شىعاتىن تۇراقتى حالىقارالىق كونتەينەرلىك پويىزداردى ۇيىمداستىرۋ بولىپ تابىلادى. ول باعدارلارعا التىنكول ستانسياسى مەن «قورعاس- شىعىس قاقپاسى» ا ە ا قۇرعاق پورتىنىڭ ينفراقۇرىلىمدىق نىساندارى قىزمەت كورسەتەدى.
ونىڭ سىرتىندا ساپالى كولىكتىك- لوگيستيكالىق قىزمەتتى ۇيىمداستىرۋدى دامىتۋ ماقساتىندا ايماقتىق جۇكتەردى شوعىرلاندىرۋ ورتالىقتارىن جاساقتاۋ كوزدەلەدى. مۇنداي ورتالىقتاردى قىتاي، كورەيا، جاپونيادان شىعاتىن جۇكتەر ءۇشىن چىڭدۋ (ق ح ر) قالاسىندا، قازاقستان، ورتالىق ازيا، تۇركيا، يران باعدارىنا «قورعاس- شىعىس قاقپاسى» ا ە ا قۇرعاق پورتىندا جاساقتالاتىن بولادى.
سونىمەن قاتار كەلىسىم بويىنشا قىتايدان شىعىپ قازاقستان اۋماعى ارقىلى كاسپي تەڭىزى ايدىنىنا، ءازىربايجان، گرۋزيا، تۇركيا، ۋكراينا ودان ءارى ەۋروپاعا شىعاتىن ترانس كاسپي حالىقارالىق كولىك باعدارىن دامىتۋ كوزدەلەدى.
