ءداستۇرلى ەنەرگەتيكانى قولداۋدان ارىلۋىمىز قاجەت - نۇرسۇلتان نازاربايەۆ
«ەكونوميكالىق ءوسىمى تازا ەنەرگەتيكانى دامىتۋ مەن ەكولوگيانى ساقتاۋعا نەگىزدەلدۋى ءتيىس. پاريج كەلىسىمىن بارلىعى بىردەي ورىنداۋ ماڭىزدى. حالىقارالىق اگەنتتىكتەردىڭ باعالاۋىنشا، ونىڭ ماقساتتارىنا قول جەتكىزۋ جاھاندىق جىلىنۋدى باياۋلاتىپ قانا قويماي، الەمدىك ەكونوميكانى 20 تريلليون دوللارعا نەمەسە 27 پروتسەنتكە وسۋىنە مۇمكىندىك بەرەدى»، - دەپ اتاپ ءوتتى مەملەكەت باسشىسى.
ەلباسى قازاقستان رەسپۋبليكاسى شىعىس ەۋروپا، كاۆكاز جانە ورتالىق ازيا ەلدەرىنىڭ ىشىندە ەڭ ءبىرىنشى بولىپ پارنيكتى گازدار شىعارىندىلارىن كۆوتامەن ساتۋ جۇيەسىن ەنگىزگەندىگىن باسا ايتتى.
«ءبىز سايكەسىنشە نورماتيۆتىك قۇقىقتىق بازا ازىرلەپ قابىلدادىق جانە بۇل سالاداعى تاجىريبەمەن بولىسۋگە دايىنبىز. سونىمەن قاتار وسى ەلدەردىڭ كەڭىستىگىندە اتموسفەراعا ەميسسيالاردى ەسەپتەۋ بويىنشا ءبىرىڭعاي اقپاراتتىق جۇيە قۇرۋدى ۇسىنامىز. ءبىز ەميسسيالار مەن گازدار بويىنشا اقپاراتتار الەمنىڭ بارلىق ەلدەرى مەن قالالارى شەگىندە قولجەتىمدى، ءارى ءتيىستى دەڭگەيدە بولۋىنا ۇمتىلۋىمىز كەرەك. تولىقتاي العاندا شيكىزاتتىق ەكونوميكانى مەملەكەتتىك قولداۋدان باس تارتقان يرلانديا ۇلگىسىمەن ءداستۇرلى ەنەرگەتيكانى قولداۋدان جانە سۋبسيديالاۋدان ارىلۋىمىز قاجەت»، - دەدى نۇرسۇلتان نازاربايەۆ.
اۆتور: مارلان جيەمباي
