17:34, 16 - ماۋسىم 2017 | GMT +5
باكۋلىق قىلمىسكەر قىز سۇلۋلىعىمەن تاڭعالدىردى - فوتو
استانا. قازاقپارات - باكۋدە ۇرلىق جاساپ ۇستالعان 23 جاستاعى سايدا كەرىموۆا از ۋاقىتتىڭ ىشىندە ازنەت «جۇلدىزىنا» اينالىپ كەتتى.
بۇل تۋرالى 1news.az حابارلايدى.
فەيسبۋك جانە باسقا دا الەۋمەتتىك جەلى قولدانۋشىلارى سايدانى «باكۋ كريمينالىنىڭ سۇلۋلىق حانشايىمى» دەپ اتاپ كەتكەن.
«قىزدىڭ سۋرەتتە سۇلۋ بولىپ كورىنەتىنى سونشالىق، ونىڭ جىگىتىمەن بىرگە توناۋشىلىق جاساعانىنا سەنۋ قيىن. ەندى ونىڭ تاعدىرىن سوت شەشەدى. ءبىراق، جازاسىن وتەپ بولعاننان كەيىن ول «ەڭ ادەمى قىلمىسكەر» دجەرەمي ميكستىڭ تاعدىرىن قايتالاۋى مۇمكىن. امەريكالىق جىگىت تە تۇرمەدەن شىعا سالىسىمەن الەمدىك ءسان ساحنالارىن باعىندىرعان بولاتىن»، - دەپ جازادى باسىلىم.
