الماتى وبلىسىنىڭ ۇزدىك دارىگەرلەرىنە كولىك كىلتتەرى بەرىلدى

تالدىقورعان. قازاقپارات - تالدىقورعاندا مەديتسينا قىزمەتكەرلەرى كۇنى قارساڭىندا سالتاناتتى جيىن ءوتىپ، جىل قورتىندىسى بويىنشا ۇزدىك دارىگەرلەر مەن مەديتسينا مەكەمەلەرى انىقتالدى،

 دەپ حابارلايدى قازاقپارات ءتىلشىسى.

الماتى وبلىسىنىڭ ۇزدىك دارىگەرى بولىپ ىلە اۋداندىق اۋرۋحاناسىنىڭ حيرۋرگيا ءبولىمىنىڭ مەڭگەرۋشىسى ايدىن ەلىكبايەۆ تانىلدى. ال وبلىستاعى ۇزدىك اۋىل دارىگەرى اتاعىن تالدىقورعان قالاسىنا قاراستى ەركىن اۋىلدىق امبۋلاتورياسىنىڭ مەڭگەرۋشىسى اسكەربەك ورالبايەۆ جەڭىپ الدى.

 ەكەۋىنە دە وبلىس اكىمى اماندىق باتالوۆ «لادا گرانتا» كولىگىنىڭ كىلتتەرىن تابىستادى. سونداي- اق ءوڭىر باسشىسى ۇزدىك دەنساۋلىق ساقتاۋ مەكەمەلەرىنە قارجىلاي سىيلىقتار تاپسىردى.

جالپى الماتى وبلىسىنىڭ دەنساۋلىق ساقتاۋ سالاسىندا 19 مىڭ ادام ەڭبەك ەتەدى. تۇرعىندارعا 600-دەن استام مەديتسينالىق مەكەمە ساپالى قىزمەت كورسەتىپ كەلەدى. سوڭعى 5 جىلدا دەنساۋلىق ساقتاۋ سالاسىنا بولىنەتىن قارجى كولەمى 59 پايىزعا ءوسىپ، 2017 -جىلى 83,6 ميلليارد تەڭگەگە جەتتى. 2017-2018 -جىلدار ارالىعىندا 22 مەديتسينالىق نىسان سالۋ جوسپارلانىپ وتىر.

اۆتور: سامال قابىشيەۆا