ەكسپو اياسىندا استانادا الماتى وبلىسىنىڭ مادەنيەت كۇندەرى وتەدى
شارانىڭ سالتاناتتى اشىلۋ ءراسىمى 11 - شىلدەدە قازاقستان ورتالىق كونسەرتتىك زالىندا شىمىلدىعىن تۇرەدى. بۇل كۇنى ءسۇيىنباي اتىنداعى الماتى وبلىستىق فيلارمونياسى مەن «قۇلانساز» فالكلورلىق- ەتنوگرافيالىق ءانسامبلىنىڭ قاتىسۋىمەن اۋقىمدى كونسەرت بولادى. اتالعان ۇجىم 12 - شىلدەدە جاستار سارايىندا «جەتىسۋ - ءان- جىردىڭ ورداسى» اتتى ءداستۇرلى اندەر كونسەرتىن، 13 - شىلدە كەشكى ساعات 18:00-دە جاستار سارايىندا «تالدى ارۋلار» - التىناي مەملەكەتتىك حالىق بي ءانسامبلىنىڭ كونسەرتىن، 14 - شىلدە كەشكى ساعات 18:00-دە ەتنواۋىلدا «اۋىلىڭ سەنىڭ ىرگەلى» اتتى تەاترلاندىرىلعان كورىنىسى مەن ءداستۇرلى كونسەرتىن حالىق نازارىنا ۇسىنادى. ال 15-شىلدەدە ەكسپو الاڭىنداعى امفيتەاتردا «جەرۇيىق - جاسىل باۋلارىم» اتتى كونسەرت ۇيىمداستىرىلىپ، استاناداعى الماتى وبلىسىنىڭ مادەنيەت كۇندەرى ءوز مارەسىنە جەتەدى.
«ەكسپو-2017» كورمەسىنىڭ كەلۋشىلەرىنە ب. ريموۆا اتىنداعى دراما تەاترىنىڭ دا بازارلىعى بار. مادەنيەت كۇندەرى اياسىندا ۇجىم ءوز رەپەرتۋارىن تاماشالاۋعا شاقىرادى. 11 - شىلدە ساعات 12:00-دە «قۋىرشاق» تەاترى ساحناسىندا «قۇستار فەستيۆالى» ەرتەگىسى ساحنالانادى. استانالىقتار مەن قالا قوناقتارى 11-13 - شىلدە كۇندەرى ساعات 18:30-دا «جاستار» تەاترىنىڭ ساحناسىندا وبلىستىق تەاتردىڭ تىرناقالدى قويىلىمدارىنىڭ ءبىر پاراسى «رومەو مەن دجۋلەتتا» تراگەدياسىن، «ەڭ جاقسى ەركەك» كومەدياسىن، «ءىلياس» دەرەكتى دراماسىن تاماشالاي الادى.
ال، 2017 -جىلدىڭ 7 - شىلدە مەن 7 - تامىز ارالىعىندا، استانا قالاسى ۇلتتىق- اسكەري مۋزەيىندە م. تىنىشپايەۆ اتىنداعى الماتى وبلىستىق تاريحي- ولكەتانۋ مۋزەيىنىڭ «تاريح بەتتەرىنەن» كورمەسى وتەدى! كورمەگە الماتى وبلىسىنىنان ارنايى اكەلىنگەن تاريحي ەرەكشە ەكسپوناتتار قويىلادى. كەلۋشىلەر عالىم- ساياحاتشى شوقان شىڭعىس ۇلى ءۋاليحانوۆتىڭ قولدانعان زاتتارىمەن وسى كورمە ارقىلى تانىسا الادى.
ءدال وسى ق ر قارۋلى كۇشتەرىنىڭ ۇلتتىق اسكەري- تاريحي مۋزەيىندە «اتا- بابا اڭساعان ماڭگىلىك ەل» اتتى كوركەمسۋرەت كورمەسى دە وتەدى. ۇيىمداستىرۋشى - الماتى وبلىستىق «كوركەمونەر» گالەرەياسى» كورمەگە گالەرەيانىڭ نەگىزگى قورىنداعى بۇعان دەيىن كوركەمونەرتانۋشىلاردىڭ جوعارى باعاسىن العان جەرگىلىكتى سۋرەتشىلەردىڭ تۋىندىلارى قويىلادى. كورمەنى 7-15 - شىلدە ارالىعىندا تاماشالاۋعا بولادى.
سونداي- اق، الماتى وبلىستىق «ۇستا داركەمباي» اتىنداعى قولونەر مۋزەيىنىڭ تارتۋى ەرەكشە. 11-20 - شىلدە ارالىعىندا «شىعىس بازارى» ەتنواۋىلىندا كورمە وتكىزەدى. قولونەر شەبەرلەرىنىڭ مەتالدان، تەرىدەن، اعاشتان جاسالعان بۇيىمدارى قوناقتاردىڭ نازارىنا ۇسىنىلادى. قولونەر مۋزەيى قىزمەتكەرلەرى زەرگەرلىك پەن قىش ونەرىنىڭ قىر- سىرىنا قانىق بولىپ، كيىز باسۋ، توقىما ونەرلەرىنەن شەبەرلىك كلاستارىن كورۋگە شاقىرادى.
اۆتور: سامال قابىشيەۆا
