00:02, 16 - ماۋسىم 2017 | GMT +5
قازاقپىن دەپ ەڭىرەپ جىلاعان بەلارۋس قىز جۇرتتىڭ جۇرەگىن ەلجىرەتتى - ۆيدەو
استانا. قازاقپارات - ءانشى ساكەن مايعازيەۆ قازاقپىن دەپ ەڭىرەپ جىلاعان بەلارۋس قىزدىڭ ۆيدەوسىن جۇرتتىڭ نازارىنا ۇسىندى.
«قۇداي بەرە سالعان، بالاپان»، - دەپ جازعان ۆيدەوعا ساكەن مايعازيەۆ.
اناسى «سەن بەلارۋس قىزىسىڭ دەگەنگە» «مەن قازاقپىن» دەپ جىلاعان كىشكەنتاي قىز بالا كوپشىلىكتىڭ جۇرەگىن ەلجىرەتتى.
«بۇل قىزدى ناعىز قازاق دەسە بولادى... جىلاپ تۇرىپ ايتىپ جاتىر قازاقپىن دەپ»، «قازاقپىن دەگەن جۇرەگىنەن. امان، بولاشاعىڭ جارقىن بولسىن»، «قۇداي-اي، قيناماڭدارشى بالانى. قازاق بولعىسى كەلسە بولا قويسىن. تاتيانالار سياقتى بولادى. نەسى بار؟ جەڭگەلەرىمىز جامان ەمەس. پەرىشتەسى اۋزىنا سالىپ تۇرعان شىعار؟ قازاققا كەلىن بولار بولاشاقتا»، - دەپ جازعان جەلى قولدانۋشىلارى.
ۆيدەودا بالاقاي، ءتىپتى ءوزىنىڭ قازاق ەكەنىن دالەلدەپ، قازاق ءتىلىن جاقسى بىلەتىنىن اڭداتادى.
Құдай бере салған, балапан! 😊🇰🇿👼🏻👨👩👦👦🏡📚🍞🌎🍯🏇🕊☀️
