ساعىنتايەۆ ازاماتتاردى انىقتامالارمەن ارى-بەرى جۇگىرتپەۋدى ەسكەرتتى

استانا. قازاقپارات - ۇكىمەت باسشىسى باقىتجان ساعىنتايەۆ قازاقستانداعى «ەلەكتروندىق ۇكىمەت» قاي باعىتتا جەتىلدىرىلەتىنىن ءتۇسىندىرىپ بەردى، دەپ حابارلايدى قازاقپارات.

«ەلەكتروندىق ۇكىمەتتى» جەتىلدىرۋ بويىنشا جۇمىستى توقتاتقان ەمەسپىز. 2004-جىلدان ەلىمىزدە «ەلەكتروندىق ۇكىمەتتى» ەنگىزە باستادىق. ول ءۇشىن ەستونيادان مامانداردى شاقىرتتىق. بۇل ەل كەزىندە كەڭەس وداعى قۇرامىندا بولعاندىقتان، بيۋروكراتيالىق ماشينا ءدال بىزدەگىدەي قالىپتاسقان ەدى. وسى ورايدا ولاردىڭ بۇل كەدەرگىنى قانداي جولمەن شەشكەندىگىن قاراۋ كەرەك بولدى»، - دەپ توقتالدى ۇكىمەت باسشىسى استانا ەكونوميكالىق فورۋمى اياسىنداعى يننوۆاتسيالىق سامميت بارىسىندا.

ساعىنتايەۆ بۇگىندە اقپارات جانە كوممۋنيكاتسيالار مينيسترلىگى مەن ءتيىستى حولدينگتەر الدىندا وسى سالادا قالىس كەلە جاتقان تۇستاردى قارقىندى تۇردە ەڭسەرۋ ماقساتى قويىلعانىن جەتكىزدى.

ول ءۇشىن كەزىندە Egov.kz-نى ىسكە قوسۋعا كومەكتەسكەن ەستوندىق ماماندار قايتا شاقىرتىلعان كورىنەدى.

«ولار ءبىزدىڭ اقپاراتتىق جۇيەنىڭ اۋديتىنە كىرىستى. ولاردىڭ الدىن الا باعالاۋى وڭتايلى بولدى. ءبىر جاعىنان الىپ قاراعاندا، بۇل ەسەپ ءبىزدى قۋانتقانىمەن، الايدا مۇلدە تىنىشتاندىرعان جوق. سەبەبى بۇل وڭتايلى قادامدار بۇگىندە ازاماتتاردى قاناعاتتاندىرماي وتىر. ءبىزدىڭ ازاماتتاردىڭ ماقساتتى ساۋاتتىلىعى ءوسىپ كەلەدى، وسى رەتتە ادامدار جۇيە ارقىلى كورسەتىلەتىن قىزمەتتەردىڭ سانى ارتا تۇسكەنىن قالايدى. ءبىز ءوز كەزەگىمىزدە تۇرعىنداردىڭ قالاۋىن ىسكە اسىرۋىمىز كەرەك»، - دەدى پرەمەر-مينيستر.

ۇكىمەت باسشىسى وسىعان بايلانىستى «ەلەكتروندىق ۇكىمەت» تۇجىرىمداماسى وزگەرگەنىن جانە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جاڭا مازمۇنى تانىستىرىلعانىن ەسكە سالىپ ءوتتى.

پرەمەر-مينيستر ەگەر دە ۇكىمەتكە قانداي دا ءبىر قۇجاتتار قاجەت بولسا، بۇل باعىتتا ازاماتتاردى قيناۋدىڭ قاجەتى جوق ەكەنىن، قانداي دا ءبىر انىقتامانى ىزدەتكىزىپ، ادامداردى ارى-بەرى جۇگىرتۋگە جول بەرىلمەۋ تيىستىگىن اتاپ ءوتتى.

«جالپى ءبىز حالىقتىڭ تالاپتارىنا جاۋاپ بەرۋىمىز كەرەك»، - دەپ تۇيىندەدى ءسوزىن ساعىنتايەۆ.