قارجى مامانى اقشانى دوللارمەن ساقتاۋعا كەڭەس بەرەدى
وسىعان وراي، Massaget.kz ءتىلشىسى Teletrade كومپانياسىنىڭ قارجى كەڭەسشىسىنەن پىكىر العان ەدى. Teletrade ساراپشىسى داستان ءابدىراحماننىڭ ايتۋىنشا، تەڭگە رەسەي رۋبلىنە تولىق تاۋەلدى. كورشى ەل ۆاليۋتاسى قالاي باعىت السا، تەڭگە دە سونىڭ جولىمەن وزگەرىپ وتىراتىنىن مالىمدەدى. «فەدرەزەرۆ شەشىمى بەلگىلى ءبىر مولشەردە ءبىزدىڭ ۆاليۋتاعا كەرى اسەرىن بەرۋى مۇمكىن. ءبىراق قازاقستان كورشى ەلدەرمەن ورتاق نارىقتا تىعىز بايلانىستا بولعان سوڭ، قارجى باعىتىن رەسەي رۋبلىمەن بايلانىستىرامىز»، - دەيدى ءابدىراحمان مىرزا.
KASE پلاتفورماسىنداعى تاڭعى سەسسياعا وراي، 1 ا ق ش دوللارى 317,53 تەڭگەنى قۇرادى. الماتى قالاسىنداعى اقشا ايىرباستاۋ پۋنكتتەرىندە شەتەل ۆاليۋتاسىن ساتىپ الۋ مەن ساتۋ باعالارى اراسىنداعى ۆاليۋتا ءدالىزى 0,60 تەڭگەگە دەيىن قىسقارعان. دەمەك، نارىقتا اقشا اينالىم جىلدامداي تۇسپەك.
USD/KZT ۆاليۋتا جۇبىنىڭ سوڭعى 10 كۇندەگى وزگەرىسى، دەرەككوزى: FXexchangeRate
«ۇلتتىق بانك سوڭعى رەت 6-اي بۇرىن ينتەرۆەنتسيا جاساعان. ال قازىر نارىق ءوزى ۇستاپ تۇر. سوندىقتان قازىرگى تاڭدا USD/KZT ۆاليۋتا كۋرسىنىڭ وزگەرۋ مۇمكىندىگى باسىم. سەبەبى اعىمداعى جىلدىڭ باسىنان بەرى رەسەي ورتالىق بانكى ءرۋبلدى ديەۆالۆاتسياعا جىبەرۋدى جوسپارلاپ جاتىر. كوپ وتپەي رۋبل قۇلدىراسا، ءبىزدىڭ تەڭگە دە سول سەناريدى قايتالايدى. نارىقتاعى قۇبىلىس، ورتاشا ەسەپپەن، 10 پايىزعا دەيىن قۇنسىزدانۋدى كورسەتىپ وتىر. سول ءۇشىن، ءقازىر اقشانى اقش دوللارىندا ساقتاعان ءجون»، - دەيدى Teletrade قارجى كەڭەسشىسى.
ا ق ش ورتالىق بانكى الداعى ەكى جىلعا جاساعان جوسپارىندا بازالىق مولشەرلەمەنى 3 پايىزعا دەيىن كوتەرەتىنى ايتىلادى. Teletrade بولجامىنا سەنسەك، 2018 -جىلدىڭ سوڭىنا قاراي ا ق ش دوللارىنا سۇرانىس ءبىرشاما وسەتىن بولسا، 1 ا ق ش دوللارى 380 تەڭگەدەن ساتىلۋى مۇمكىن.
Massaget.kz
