اتىشۋلى بيزنەسمەن مۇراتحان توقماديدىڭ ەكىنشى جارى تۋرالى نە بىلەمىز - فوتو
ءجاميليا ايىمبەتوۆا دا بيزنەستىڭ كىلتىن تاپقان تابىستى كاسىپكەر. ول قازاقستاندىق جۋرناليستيكانىڭ باسى-قاسىندا ءجۇرىپ تانىمال بولعان جان. ۋنيۆەرسيتەتتى بىتىرە سالىپ، 31- ارناعا ارمانجان بايتاسوۆتان شاقىرتۋ العان ءجاميليا سول كەزدە تانىمال بولعان «سەزون» اتتى تەلەباعدارلامانى جۇرگىزدى.
ول ەلىمىزدە العاش بولىپ قىمبات جۋرنال شىعارۋدى قولعا الدى. سونداي-اق ءجاميليا ايىمبەتوۆا شەتەلدىك ايگىلى ELLE جۋرنالىن قازاقستانعا اكەلدى.
جوعارىدا اتالعان جەتىستىكتەرىمەن بىرگە ول ماركەتينگ بويىنشا МBA دارەجەسىنە يە.
2015-جىلى «ۆلاست» باسىلىمىنا بەرگەن سۇحباتىندا ول وسى دارەجەگە جەتكەنىن جولداسىنىڭ ارقاسى ەكەنىن ايتقان.
«كۇيەۋىم ماعان كومپانيامدى قۇرۋعا اقشا بەردى. و باستا ول مەنىڭ جۇمىس ىستەمەي وتىرا المايتىنىمدى ءبىلدى. مەن وعان قاشان دا قولداۋ ءبىلدىرىپ كەلگەنى ءۇشىن ريزاشىلىعىمدى ايتامىن»، - دەيدى ول ءوز سۇحباتىندا كۇيەۋى مۇراتحان توقمادي تۋرالى.
ءجاميليا ايىمبەتوۆانىڭ ەسىمى ەليتالى كەش قوناقتارىنىڭ ەسىمدەرىمەن قاتار اتالادى.
ول ءتۇرلى ءسان بايقاۋلارىن ۇيىمداستىرۋشى رەتىندە دە تانىمال.
ونىڭ سونداي-اق، سالاۋاتتى ءومىر سالتىنا ارنالعان تاعامدار ساتاتىن دۇكەندەر جەلىسى بار. ايتۋىنشا، ولار وتباسىمەن سپورتقا جاقىن ادامدار.
ءجاميليا ايىمبەتوۆا جاقىندا ۇستالعان بيزنەسمەننىڭ ەكىنشى جارى. ولار 1997-جىلى وتاۋ قۇرعان.
مۇراتحان توقماديدىڭ ءبىرىنشى جارى تۋرالى مالىمەت از.
تەك بيىل كوكتەمدە تۇرمىسقا شىققان مودەل ءارى اكريسا قىزى زەرە Instagram اككاۋنتىندا اكەسى مەن اناسىنىڭ بىرگە تۇسكەن سۋرەتتەرىن ءجيى جاريالاپ وتىرادى. سوعان قاراعاندا ولار ءبىر-بىرىمەن قارىم-قاتىناستى ۇزبەي، ارالاسىپ تۇراتىنعا ۇقسايدى.
ەستەرىڭىزگە سالساق، بەلگىلى كاسىپكەر مۇراتحان توقمادي ۇلتتىق قاۋىپسىزدىك كوميتەتى مەن ىشكى ىستەر مينيسترلىگىنىڭ ارنايى جاساعى 12- ماۋسىم كۇنى تۋرا ۇيىنەن تۇتقىنداپ اكەتكەن بولاتىن. 50 جاستاعى بيزنەسمەن «دەپۋتاتتىق كورپۋس» اتتى قىلمىستىق توپقا جەتەكشىلىك ەتكەن. قۇرىعى ۇزىن قىلمىستىق توپتىڭ سويىلىن سوعاتىندار بيلىكتە دە كوپ كورىنەدى.
