بايتەرەك كۇردەلى جوندەۋدەن كەيىن قوناقتاردى قابىلداۋعا دايىن
مونۋمەنتتە LED ەكرانى بار زاماناۋي ونەر گالەرەياسى اشىلدى، وندا سۋرەتشىلەر ءوز جۇمىستارىن قويا الادى. سونداي- اق، فويەدە گاباريتتى مايىسقاق ديسپلەي قويىلعان. جاڭا ديزايننىڭ تاعى ءبىر ارتىقشىلىعى - مونۋمەنتتىڭ كۇمبەزىنىڭ استىندا ورناتىلعان حرۋستال ليۋسترا. ليۋسترانىڭ 90 پروتسەنتى تازا حرۋستالدان قۇرالعان جانە ۇشاتىن ميفتىك قۇستار ىسپەتتى جاسالعان. ول ارنايى چەحيادان اكەلىنگەن.
«بايتەرەكتى كورۋگە 15 جىلدىڭ ىشىندە بەس- التى ميلليون ادام كەلدى. قازىرگى تاڭدا رەسپۋبليكانىڭ بارلىق وڭىرلەرىنەن بايتەرەككە كەلۋ ءۇشىن كوپتەگەن وتىنىشتەر ءتۇستى. تەك وقۋشىلاردىڭ ءوزى 40 مىڭعا جۋىق بولادى دەپ كۇتىلۋدە. بالالار ءۇيىنىڭ تاربيەلەنۋشىلەرى، زەينەتكەرلەر، ارداگەرلەر بۇرىنعىشا تەگىن كىرەدى» ، - دەپ حابارلادى «استانا بايتەرەك» ج ش س ديرەكتورى مۇرات ساپارعاليەۆ. بيلەتتەردىڭ قۇنى ءسال عانا وزگەردى.
«جوندەۋدەن كەيىن ەرەسەكتەر ءۇشىن بيلەت قۇنى 700 تەڭگە، بالالارعا - 300 تەڭگە بولادى. بيلەت 200 تەڭگەگە قىمباتتادى» ، - دەدى ساپارعاليەۆ. بايتەرەكتىڭ جۇمىس رەجىمى بۇرىنعىشا قالدى.
