كەلىمبەتوۆ زەينەتاقى قارجىسىنىڭ ازەربايجان بانكىنە سالىنۋىنا قاتىستى پىكىر ءبىلدىردى

استانا. قازاقپارات - «استانا» حالىقارالىق قارجى ورتالىعىنىڭ باسقارۋشىسى، ق ر ۇلتتىق بانكىنىڭ بۇرىنعى ءتوراعاسى قايرات كەلىمبەتوۆ ازەربايجاننىڭ حالىقارالىق بانكىنە قازاقستاندىق زەينەتاقى قارجىسىنىڭ سالىنۋىنا قاتىستى پىكىر ءبىلدىردى،

 دەپ حابارلايدى قازاقپارات.

«وسىمەن قوعامنىڭ الاڭداۋى توقتاۋى قاجەت دەپ سانايمىن. بارلىق قارجى تولىق كولەمدە قايتارىلادى. وسىعان وراي ءوزىم مۇشە بولىپ سانالاتىن قارجى قورىن قۇتتىقتاعىم كەلەدى. نەلىكتەن مەن ديرەكتورلار كەڭەسىنە مۇشەمىن؟ ويتكەنى، مەن پروتسەسستىڭ ءبىر بولشەگى بولدىم جانە قايتا قۇرىلىمداۋ پروتسەسىنىڭ دە بولشەگى سانالامىن. قازاقستاندا قايتا قۇرىلىمداۋ تاجىريبەسى بار ادامدار كوپ ەمەس. سوندىقتان ۇكىمەت ماعان ءوتىنىش جاسادى. قارجى تولىق كولەمدە قايتارىلادى. جوق دەگەندە ەكىنشى جولمەن. بۇگىنگى كۇنى ۇكىمەتتىڭ ۇستانىمى وسىنداي»، - دەدى قايرات كەلىمبەتوۆ استانا ەكونوميكالىق فورۋمى اياسىندا.

بۇعان دەيىن حابارلانعانداي، ق ر پرەمەر- ءمينيسترى باقىتجان ساعىنتايەۆ ازەربايجاننىڭ حالىقارالق بانكىنەن ءبىرىڭعاي جيناقتاۋشى زەينەتاقى قورىنىڭ قارجىسىن قايتارۋ جونىندەگى ارنايى وكىل تاعايىنداعان بولاتىن.

 اۆتور: مارلان جيەمباي