قازاقستاننىڭ باتىل باستاماسى ماڭگى ەستە قالادى - تۋريستەر
يتالياندىق ميكەلە سالگارەللو ءوز ەلىنىڭ پاۆيلونىن قۇراستىرۋعا ءبىر جىل بۇرىن كەلگەن ەكەن. سودان بەرى استانانىڭ ءبىراز جەرلەرىن ارالاپ، جەرگىلىكتى حالىقتى ابدەن ءبىلىپ العان.
«قازاقستاندىقتار وتە قايىرىمدى ءارى دوستىققا بەرىك حالىق ەكەن. ولار وسى ۋاقىتقا دەيىن اتقارىلعان جۇمىسپەن ماقتانا الادى. ەكسپو- نىڭ ءوزى - تاماشا شارا! وسىنىڭ ارقاسىندا حالىقتىڭ ويلاۋ قابىلەتىن، كوزقاراسىن، جالپى مەملەكەتتى وزگەرتۋگە بولادى. كورمەگە دايىندىق جۇمىستارى دا جاقسى اتقارىلدى. مەنىڭشە، اتالعان شارا ماڭگى ەستە قالادى»، - دەيدى سالگارەللو.
اۆستراليادان كەيىن ارتۋر ماۋنتەر دە ءبىراز نارسەنى بايقاپ ۇلگەرگەن. ونىڭ ايتۋىنشا، استانا - جاستار قالاسى. بۇل جەردە ءوزىڭدى تانىتۋعا، ءوزىڭدى سىناپ كورۋگە مول مۇمكىندىك بار. «مەن ءوزىم ءتىل جاعىنان ەشبىر قيىندىق كورگەن جوقپىن. سەبەبى جاستاردىڭ كوبىسى اعىلشىن ءتىلىن بىلەدى ەكەن. تاكسي جۇرگىزۋشىلەرى دە ءتىلدى جەتىك بىلمەسە دە، ادامنىڭ ايتقانىن تۇسىنۋگە تىرىسادى»، - دەپ اتاپ كورسەتتى ماۋنتەر.
ال دانيالىق ۋالە پەتەرسەن ارنايى ەكسپو- عا كەلمەسە دە، ءوز ساپارىنىڭ كورمە ۋاقىتىمەن تۇسپا- تۇس كەلگەنىنە قۋانىپ وتىر.
«استانادا العاش رەت بەس جىل بۇرىن بولعانمىن. وسى ۋاقىتتىڭ ىشىندە قالا قاتتى وزگەردى. حالقى كوبەيدى. ساۋلەتى دە كوركەيە ءتۇستى. ويىن- ساۋىق ورىندارى مەن مەيرامحانالار سالىندى. ايماقتاعى باسقا مەملەكەتتەرىمەن سالىستىرعاندا، قازاقستانننىڭ دامۋى كوزگە انىق كورىنەدى. سوسىن قاۋىپسىز جەردە جۇرگەنىڭدى بىلەسىڭ»، - دەيدى پەتەرسەن.
اۆتور: ارمان اسقاروۆ
