20:01, 14 - ماۋسىم 2017 | GMT +5
ۇكىمەت باسشىسى قازاق كاسىپكەرلەرىنە پايدا تابۋ جولىن كورسەتتى
استانا. قازاقپارات - بۇگىن «اتامەكەن» ۇ ك پ- نىڭ IV سيەزى بارىسىندا ق ر پرەمەر- ءمينيسترى باقىتجان ساعىنتايەۆ كاسىپكەرلەرگە ەلىمىزدىڭ اۋماعى ارقىلى وتەتىن ترانزيتتىك كولىكتەردى تاۋارلارىن ەكسپورتقا شىعارۋ ءۇشىن پايدالانۋعا كەڭەس بەردى، دەپ حابارلايدى قازاقپارات.
ۇكىمەت باسشىسى ءوز سوزىندە ق ح ر ءتوراعاسى شي جينپيڭنىڭ قازاقستان «جىبەك جولىن جاڭعىرتۋ» باعدارلاماسىن دامىتۋدا چەمپيون سانالاتىندىعىن ايتقانىن ەسكە سالىپ ءوتتى. «كوپتەگەن جوبالار ءبىز ارقىلى وتەدى. سوعان بايلانىستى ءبىز ترانزيتتىك پايدا تابامىز دەپ ايتامىز. ءبىز نەلىكتەن تەك ترانزيتتەن عانا پايدا تابۋ مىندەتىن قويامىز؟ ءبىز ارقىلى وتەتىن ترانزيتكە ءوزىمىزدىڭ تاۋارلارىمىزدى نەگە تيەمەيمىز؟ سولاي جاساساق مۇنان دا كوپ پايدا تاباتىن ەدىك قوي. ءبىزدىڭ الدىمىزدا تۇرعان مىندەت وسى. جانە بۇل تۇرعىدا جەدەل جۇمىس ىستەۋىمىز كەرەك. بۇعان قوسا، كولىكتىك لوگيستيكا، تۋريزم، ءبىلىم بەرۋ، دەنساۋلىق ساقتاۋ بار. وندا دا ءبىزدىڭ الەۋەتىمىز وتە زور»، - دەدى باقىتجان ساعىنتايەۆ.
اۆتور: مارلان جيەمباي
