جول پوليتسياسى قىزمەتكەرىن بەينەكامەراعا تۇسىرۋگە بولا ما؟

 استانا. قازاقپارات - ءوز قىزمەتتىك مىندەتىن ورىنداپ جاتقان جول- پاترۋلدىك پوليتسيا قىزمەتكەرىن بەينەكامەراعا تۇسىرۋگە زاڭ جۇزىندە رۇقسات ەتىلگەن.

بۇل تۋرالى قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆ ەسەپ بەرۋ كەزدەسۋىندە ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«بىرىنشىدەن، پوليتسيا قىزمەتكەرىنە دە ازاماتتىق كودەكس ىقپال ەتەدى. ياعني كەز كەلگەن ازامات سەكىلدى ول دا ءوز بەينەسىنىڭ تارالۋىنا قارسى بولسا، بەينەكامەراعا تۇسىرۋگە تىيىم سالىنادى. ەكىنشىدەن، پوليتسيا قىزمەتكەرى ءوز قىزمەتتىك مىندەتىن اتقارعاندا - وقيعا ورنىن زەرتتەپ، تەرگەۋمەن اينالىسىپ جاتقاندا دا، تاسپاعا تۇسىرۋگە بولمايدى. ءبىراق، جول پوليسياسى قىزمەتىنە قاتىستى جاعدايلاردا بەينەكامەرا قولدانۋعا رۇقسات بەرىلەدى. ءبىز قازىر جول پوليتسياسى تۋرالى زاڭعا وزگەرىس ەنگىزدىك، بۇدان بىلاي جۇرگىزۋشىنى توقتاتىپ، حاتتاما تولتىرعان جول پوليتسياسى قىزمەتكەرىن بەينەكامەراعا تۇسىرۋگە بولادى جانە بۇل زاڭدى بولىپ تابىلادى» ، - دەدى مينيستر  قىزىلوردا تۇرعىنى قويعان سۇراققا جاۋاپ بەرە وتىرىپ.

ايتا كەتەيىك، بۇگىن ق ر ىشكى ىستەر ءمينيسترى قالمۇحانبەت قاسىموۆ ەسەپ بەرۋ كەزدەسۋىن وتكىزىپ، رەسپۋبليكا تۇرعىندارىنىڭ سۇراقتارىنا جاۋاپ بەردى جانە جەكە ماسەلەلەرىن تىڭدادى.

 

اۆتور: ايجان سەرىكجان