ەكسپو جانە بۋراباي: باعالار قالاي بولماق
اقمولا وبلىسى اكىمدىگىنىڭ دەرەگى بويىنشا، ەكسپو كورمەسى كەزىندە بۋراباي كەنتى مەن زەرەندى اۋدانىنا دەمالۋعا 500 مىڭنان استام تۋريست كەلەتىنى جوسپارلانعان.
«سول سەبەپتى، مۇنداعى ورىنداردىڭ 20 پايىزى ەكسپو قوناقتارىنا ارنالعان. بۋراباي مەن زەرەندىگە دەمالۋعا كەلگەن تۋريستەر ءۇشىن قوناقۇيلەرگە ءبىر تاۋلىككە توقتاۋ اقىسى ورتاشا 5-25 مىڭ تەڭگەنى قۇرايدى»، دەپ اتاپ ءوتتى وبلىستىق تۋريزم باسقارماسىنان.
جالپى، تۋر- كومپانيالار مەن قوناقۇيلەردىڭ ۇسىنىپ وتىرعان باعاسىنا كەلەتىن بولساق، ەكسپو قوناقتارى ءۇشىن ءبىرقاتار تۋريستىك كومپانيالار تاراپىنان استانا قالاسى مەن بۋراباي كەنتىنە ارنايى ساياحات قاراستىرىلعان. ماسەلەن، ءبىر تۋرفيرما اۋەجايدان قوناقۇيگە دەيىن جەتكىزۋ، وندا قوناقتاۋ، ەكسپو-2017 كورمەسىن تاماشالاۋ جانە بۋرابايعا بارىپ- قايتۋ ءتارىزدى ءتورت كۇندىك تۋردىڭ باعاسىن 262500 تەڭگەگە باعالاپ وتىر.
كەلەسى تۋرفيرما بەس كۇندىك ساياحاتتى ۇسىنىپ وتىر. وندا بۋراباي نەمەسە ەكسپو كورمەسىنە ساياحات قاراستىرىلعان. وعان وتەلگە دەيىن جەتكىزۋ، قالا بويىنشا ەكسكۋرسيا جاساۋ، ەلوردانىڭ كورىكتى جەرلەرىن كورۋ، ساياسي قۋعىن- سۇرگىن قۇرباندارىنا ارنالعان «الجير» مۇراجايىن ارالاۋ سياقتى قىزمەتتەر كىرەدى. بۇل تۋردىڭ قۇنى ءبىر ادامعا 118420 تەڭگەنى قۇرايدى. بوس ۋاقىتىندا تۋريست قوسىمشا اقى تولەپ، ەكسپو نەمەسە بۋراباي كۋرورتىنا بارۋىنا بولادى.
ال، قالا سىرتىنا (قونۋ قاراستىرىلماعان) گيدپەن بىرگە ەكى ادامعا ساياحاتتىڭ قۇنى 62500 تەڭگەنى قۇرايدى. تۋريستەرگە ەكونوم، ستاندارت جانە VIP ءتارىزدى ءۇش پاكەت ۇسىنىلادى. جالپى، بۋراباي مەن شۋچينسكىدە قوناقۇيلەردەگى ستاندارتتى نومىرلەردىڭ قۇنى ەكى ادامعا تاۋلىگىنە 7000 نەمەسە 80000 تەڭگەنى قۇرايدى. ورتاشا باعا - 15 مىڭ تەڭگە. ليۋكس نومىرلەردىڭ اقىسى 750 مىڭ تەڭگە. ال، بولمە، ءۇي، پاتەر، كوتتەدج، ۆيللا جالداۋ اقىسى 3 - 100 مىڭ تەڭگە شاماسىندا.
كۋرورتتى ايماققا ەلەكتريچكا نەمەسە پويىزبەن كەلەمىن دەۋشىلەرگە بيلەت قۇنى 652-6228 تەڭگەنىڭ توڭىرەگىندە قالىپتاسىپ وتىر. سونداي- اق، شاعىن اۆتوبۋستار مەن تاكسي جالداپ كەلۋ ءۇشىن 3-18 مىڭ تەڭگە كولەمىندە قارجى قاجەت بولادى.
اۆتور: اسلان وسپانوۆ
