ءومىردى ۇزارتۋدىڭ ەڭ وڭاي جولى
مۇسىلمان الدىمەن وتباسىن، بالا- شاعاسىن حالال جولمەن قورەكتەندىرىپ، حالال جولمەن كيىندىرۋى كەرەك. سوسىن ارتىلعان اقشاسىنان زەكەت، ساداقا بەرۋى شارت.
اللا تاعالا ادامعا دەنساۋلىق، شيپا بەرۋ ءۇشىن دۇعا ەتۋدى، ساداقا بەرۋدى جانە ءدارى قولدانۋدى سەبەپشى قىلعان. پايعامبارىمىز «ساللاللاھۋ الەيھي ءۋاساللام» : «مال- مۇلىكتەرىڭدى زەكەت بەرۋ ارقىلى قورعاڭدار. اۋرۋلارىڭدى ساداقا بەرۋ ارقىلى ەمدەڭدەر! دۇعا ەتۋ ارقىلى بالە- جالادان ساقتانىڭدار!» دەپ بۇيىرعان.
«زادۋل- مۋقۋين» كىتابىندا بەس نارسەنى ىستەمەگەن ادام بەس نارسەدەن قۇر قالادى دەلىنگەن:
1) مال- مۇلكىنىڭ زەكەتىن بەرمەگەن ادام مۇلكىنىڭ قايىرىن كورە المايدى.
2) ەگىستىگىنىڭ ۇشىرىن بەرمەگەن ادامنىڭ تاپقان تابىسىنىڭ بەرەكەسى بولمايدى.
3) ساداقا بەرمەگەن ادامنىڭ دەنساۋلىعى ناشارلايدى.
4) دۇعا ەتپەگەن ادام قالاۋىنا قاۋىشا المايدى.
5) ناماز ۋاقىتى كىرگەندە وقىعىسى كەلمەگەن ادامنىڭ سوڭعى دەمىندە كاليماعا ءتىلى كەلمەيدى.
حاديس شاريفتە: «تاعدىر الدىن الۋ، ساقتانۋ ارقىلى وزگەرمەيدى. ءبىراق قابىل بولعان دۇعا بالە كەلگەن كەزدە ساقتايدى» دەلىنگەن.
ءبىر كۇنى يسا الەيھيسسالام ءبىر كۇنى جولدا كىر جۋىپ جاتقان ادامدى كورىپ، سالەم بەرىپ وتەدى. ول جەردەن ءبىراز الىستاعاننان كەيىن يسا الەيھيسسالام:
- قايتاردا بۇل ادامنىڭ جانازاسىنا دايىن بولىڭدار، - دەيدى. كەيىن قايتار جولدا الگى ادامنىڭ ءتىرى ەكەنىن كورەدى. بۇعان تاڭعالعان يسا الەيھيسسالام جابىرەيىل الەيھيسسالامنان:
- يا جابىرەيىل! بۇل ادامنىڭ ولەتىنى ماعان بىلدىرىلگەن ەدى. الايدا ولمەپتى. سەبەبى نە؟ - دەپ سۇرايدى. سوندا جابىرەيىل الەيھيسسالام:
- يا يسا، ول ادامنىڭ كىرىنىڭ اراسىندا جاتقان قارا جىلان ونى شاعىپ ءولتىرۋى كەرەك ەدى. ءبىراق، ول ادام ساداقا بەرىپ، سونىڭ ارقاسىندا ونىڭ ءومىرى ۇزارتىلدى، - دەپ جاۋاپ بەردى. كەيىن سول ادامنىڭ كىرىنىڭ اراسىن قاراعاندا قاپ- قارا ءولىپ قالعان جىلاندى كورەدى.
قورىتا ايتقاندا قابىل بولعان دۇعا جانە ساداقا كەلە جاتقان بالەنى قايتارادى. كەلگەن بالەلەردىڭ كەتۋىنە، ءومىردىڭ ۇزارۋىنا سەبەپ بولادى. پايعامبارىمىز ايتقانداي: «ساداقا بالەنى قايتارادى جانە ءومىردى ۇزارتادى» .
m.islamdini.kz
